Reseilik tarihshy-ǵalym, Novosibir oblysynyń burynǵy vitse-gýbernatory Viktor Kozodoi tarihi tulǵa Álihan Bókeihanovtyń dúniege kelý merzimine qatysty tyń derekti bólisti, dep habarlaidy QazAqparat.
«Álihan Bókeihanovtyń týǵan jylyna qatysty qujat Tomby memlekettik arhivinde saqtaýly tur. Onyń datasy - 1917 jyldyń qazany. Qujat Álihan Bókeihanovtyń óz qolymen jazylyp, onyń tómengi jaǵynda qoly qoiylǵan. Ol kezde qairatker 48 jasta bolypty, onyń dáleli sol qujatta kórsetilgen. Qujattyń jasy degen tusta 48 dep jazylǵan. Osy oraida kóptegen ǵylymi derekter men shyǵarmalarda Álihan 1866 jyly dúniege keldi degen derek shyndyqqa janaspaityn sekildi. Jalpy ǵylymi eńbekterde tulǵanyń týǵan jyly ártúrli kórsetiledi. Iaǵni 1865, 1866 jáne 1870 jyly týdy dep jazylyp júr. Sondyqtan osy máseleni anyqtap, núkte qoiýdy jón kórdim. Óz basym Álihan Bókeihanov 1870 jyly dúniege keldi degendi rastaimyn», - dedi Viktor Kozodoi
Sondai-aq, tarihshy Tomby arhivindegi qujatta Álihan Bókeihanovtyń saiasi ómiriniń alǵashqy kezeńi týraly aitylǵandyǵyn jetkizdi.
Aita keteiik, búgin elordada reseilik avtor Viktor Kozodoidyń «Álihan Bókeihanov. Dáýir adamy» («Alihan Býkeihanov. Chelovek-epoha») atty kitabynyń tusaýkeseri ótti.
Avtor Álihan Bókeihanov týraly kitap jazýda Qazaqstan men Reseidiń 10 qalasynyń 12 arhivinde jumys istepti.
