Qazaqstan shekarasynda tyiym salynǵan zattarmen ustalǵan reseilik reper Navai esirtkige mas kúide kólik júrgizgeni úshin de jaýapqa tartylýy múmkin, dep habarlaidy ult.kz.
Qazir ánshi ýaqytsha ustaý izoliatorynda otyr. Oǵan qatysty is esirtki kontrabandasy baby boiynsha tergelip jatyr. Bul bap boiynsha bes jylǵa deiin bas bostandyǵynan aiyrý jazasy qarastyrylǵan.
Sonymen qatar, reperdiń taldaýynan kannabinoidtar anyqtalǵan.
Eger Navai-diń esirtki áserimen kólik basqarǵany rastalsa, oǵan Qazaqstan Ákimshilik quqyq buzýshylyq týraly kodeksiniń 608-baby boiynsha 15 táýlikke ákimshilik qamaqqa alý jáne jeti jylǵa júrgizýshi kýáliginen aiyrý jazasy qoldanylýy múmkin.
Buǵan deiin tanymal reper Qazaqstan shekarasynda esirtkimen ustalǵanyn jazdyq.
