رەسەيلٸك تاريحشى-عالىم, نوۆوسٸبٸر وبلىسىنىڭ بۇرىنعى ۆيتسە-گۋبەرناتورى ۆيكتور كوزودوي تاريحي تۇلعا ەليحان بٶكەيحانوۆتىڭ دٷنيەگە كەلۋ مەرزٸمٸنە قاتىستى تىڭ دەرەكتٸ بٶلٸستٸ, دەپ حابارلايدى قازاقپارات.
«ەليحان بٶكەيحانوۆتىڭ تۋعان جىلىنا قاتىستى قۇجات تومبى مەملەكەتتٸك ارحيۆٸندە ساقتاۋلى تۇر. ونىڭ داتاسى - 1917 جىلدىڭ قازانى. قۇجات ەليحان بٶكەيحانوۆتىڭ ٶز قولىمەن جازىلىپ, ونىڭ تٶمەنگٸ جاعىندا قولى قويىلعان. ول كەزدە قايراتكەر 48 جاستا بولىپتى, ونىڭ دەلەلٸ سول قۇجاتتا كٶرسەتٸلگەن. قۇجاتتىڭ جاسى دەگەن تۇستا 48 دەپ جازىلعان. وسى ورايدا كٶپتەگەن عىلىمي دەرەكتەر مەن شىعارمالاردا ەليحان 1866 جىلى دٷنيەگە كەلدٸ دەگەن دەرەك شىندىققا جاناسپايتىن سەكٸلدٸ. جالپى عىلىمي ەڭبەكتەردە تۇلعانىڭ تۋعان جىلى ەرتٷرلٸ كٶرسەتٸلەدٸ. ياعني 1865, 1866 جەنە 1870 جىلى تۋدى دەپ جازىلىپ جٷر. سوندىقتان وسى مەسەلەنٸ انىقتاپ, نٷكتە قويۋدى جٶن كٶردٸم. ٶز باسىم ەليحان بٶكەيحانوۆ 1870 جىلى دٷنيەگە كەلدٸ دەگەندٸ راستايمىن», - دەدٸ ۆيكتور كوزودوي
سونداي-اق, تاريحشى تومبى ارحيۆٸندەگٸ قۇجاتتا ەليحان بٶكەيحانوۆتىڭ ساياسي ٶمٸرٸنٸڭ العاشقى كەزەڭٸ تۋرالى ايتىلعاندىعىن جەتكٸزدٸ.
ايتا كەتەيٸك, بٷگٸن ەلوردادا رەسەيلٸك اۆتور ۆيكتور كوزودويدىڭ «ەليحان بٶكەيحانوۆ. دەۋٸر ادامى» («اليحان بۋكەيحانوۆ. چەلوۆەك-ەپوحا») اتتى كٸتابىنىڭ تۇساۋكەسەرٸ ٶتتٸ.
اۆتور ەليحان بٶكەيحانوۆ تۋرالى كٸتاپ جازۋدا قازاقستان مەن رەسەيدٸڭ 10 قالاسىنىڭ 12 ارحيۆٸندە جۇمىس ٸستەپتٸ.
