QR Densaýlyq saqtaý birinshi vitse-ministri Marat Shoranov reseilik «Spýtnik V» vaktsinasynyń qunyn tómendetýge qatysty pikir bildirdi, dep habarlaidy "Ult aqparat".
Ortalyq kommýnikatsiialar qyzmetinde jaqynda «Spýtnik V» quny eki esege jýyq arzandaǵany týraly málimet taraǵany aitylyp, Qazaqstanda bul ekpeniń baǵasy qandai kólemde tómendeitindigi suraldy.
«Shynymen de osyndai aqparattyq habarlama boldy. Osyǵan bailanysty reseilik tikelei investitsiialar qorymen arada jasalǵan memorandýmdaǵy ýaǵdalastyqqa sáikes, vaktsinalarǵa baǵany túzetý boiynsha Densaýlyq saqtaý ministrligine resmi saýal joldadyq. Endi osyǵan qatysty resmi jaýapty kútip otyrmyz. Bul turǵyda másele naýryz aiynyń ortasyna deiin jedel sheshiledi dep úmittenemin», - dedi Marat Shoranov.
Budan buryn habarlanǵandai, brifing barysynda Qazaqstanda salynatyn meditsinalyq nysandar týraly aityldy.
5 jylda 487-den astam jańa MSAK obektileri salynady jáne osy 2021 jyly 211 nysannyń qurylysy josparlanýda.
Onyń ishinde 83 meditsinalyq pýnkt, 70 feldsherlik-akýsherlik pýnkt, 57 dárigerlik ambýlatoriia jáne 1 emhana qamtylady.
