Batys sanktsiiasynyń saldarynan kóp qarajatyn joǵaltqan Kremlge jaqyn reseilik milliarderler Ýkrainadaǵy jaǵdaiǵa alańdaýshylyq bildirip, soǵysty toqtatýǵa shaqyrdy.
Prezident Vladimir Pýtin ainalasyndaǵy magnattardyń biri Oleg Deripaska 7 naýryzda Týitterde Ýkrainadaǵy soǵys tez toqtaýy tiis dep jazdy.
"Beibitshilik tez ornaýy tiis, biz qaita oralmaityn núkteden ótip kettik... Tutas álem basqa bolady, Resei basqa bolady" dep jazdy ol.
Taǵy bir magnat Vladimir Lysin 7 naýryz Novolipetsk qalasyndaǵy bolat óndiretin zaýyt jumysshylaryna arnap jazǵan málimdemesinde "Ýkrainadaǵy qantógis – tragediia, ony aqtaý qiyn" dep jazdy. Novolipetsk metallýrgiia kombinatynyń basshysy qaqtyǵysty diplomatiialyq jolmen sheshýge shaqyryp, soǵys jaqyn arada aiaqtalady dep úmittenetinin jetkizdi.
Reseilik kásipker Oleg Tinkov 6 naýryzda óziniń milliarderler qatarynan shyǵyp qalǵanyn, sanktsiiaǵa bailanysty kóp qarajattan aiyrylǵanyn habarlady. Ol jýrnalisterge endi budan bylai ózin oligarh dep atamaýdy ótingen.
