باتىس سانكتسيياسىنىڭ سالدارىنان كٶپ قاراجاتىن جوعالتقان كرەملگە جاقىن رەسەيلٸك ميللياردەرلەر ۋكرايناداعى جاعدايعا الاڭداۋشىلىق بٸلدٸرٸپ, سوعىستى توقتاتۋعا شاقىردى.
پرەزيدەنت ۆلاديمير پۋتين اينالاسىنداعى ماگناتتاردىڭ بٸرٸ ولەگ دەريپاسكا 7 ناۋرىزدا تۋيتتەردە ۋكرايناداعى سوعىس تەز توقتاۋى تيٸس دەپ جازدى.
"بەيبٸتشٸلٸك تەز ورناۋى تيٸس, بٸز قايتا ورالمايتىن نٷكتەدەن ٶتٸپ كەتتٸك... تۇتاس ەلەم باسقا بولادى, رەسەي باسقا بولادى" دەپ جازدى ول.
تاعى بٸر ماگنات ۆلاديمير لىسين 7 ناۋرىز نوۆوليپەتسك قالاسىنداعى بولات ٶندٸرەتٸن زاۋىت جۇمىسشىلارىنا ارناپ جازعان مەلٸمدەمەسٸندە "ۋكرايناداعى قانتٶگٸس – تراگەدييا, ونى اقتاۋ قيىن" دەپ جازدى. نوۆوليپەتسك مەتاللۋرگييا كومبيناتىنىڭ باسشىسى قاقتىعىستى ديپلوماتييالىق جولمەن شەشۋگە شاقىرىپ, سوعىس جاقىن ارادا اياقتالادى دەپ ٷمٸتتەنەتٸنٸن جەتكٸزدٸ.
رەسەيلٸك كەسٸپكەر ولەگ تينكوۆ 6 ناۋرىزدا ٶزٸنٸڭ ميللياردەرلەر قاتارىنان شىعىپ قالعانىن, سانكتسيياعا بايلانىستى كٶپ قاراجاتتان ايىرىلعانىن حابارلادى. ول جۋرناليستەرگە ەندٸ بۇدان بىلاي ٶزٸن وليگارح دەپ اتاماۋدى ٶتٸنگەن.
