Foto: ©REUTERS
AQSh-tyń Reseiden munai jáne basqa da energetikalyq ónimderdi importtaýǵa tyiym salýy Qazaqstanǵa áser etpeidi, - dep habarlaidy Tengrinews.kz tilshisi AQSh Qarjy ministrliginiń baspasóz qyzmetine silteme jasap.
"AQSh Qarjy ministrligi Reseiden munai importyna salynǵan tyiymnyń Qazaqstan munaiyn Resei Federatsiiasynyń aýmaǵy arqyly jetkizetin Kaspii qubyr konsortsiýmyna (KQK) qatysy joq ekenin naqtylady", - dep jazdy Financial Time jýrnalisi Twitter-paraqshasynda.
AQSh Qarjy ministrliginiń saitynda importqa tyiym salý Reseide óndirilgen jáne Resei Federatsiiasy arqyly tranzitpen ákelinetin barlyq taýardyń AQSh-qa importyna qatysty ekeni kórsetilgen.
"KQK siiaqty taratý júieleri shiki munaidyń ártúrli kózderin ajyrata alady, bul Resei Federatsiiasynan tys jerlerden keletin shiki munaidy bólek satýǵa jáne jóneltýge múmkindik beredi", - delingen habarlamada.
