Donald Tramp AQSh prezidenti bolyp sailanǵan ýaqyttan beri reseilik milliarderlerdiń, sonyń ishinde Vladimir Pýtinmen bailanysy bar bailardyń tabysy 29 milliard dollarǵa ósken, dep habarlady amerikalyq Forbes jýrnaly.
Bárinen de Gennadii Timchenko (2014 jyly Qyrymnyń anneksiiasynan soń AQSh sanktsiialaryna ilikken) men Leonid Mihelsonnyń jaǵdaiy jaqsarǵan. Oǵan NOVATEK gaz kompaniiasynyń aktsiialarynyń baǵasynyń ósýi sebep bolǵan (AQSh-taǵy sailaýdan soń 16 paiyzǵa ósken). Qazir Timchenkonyń 15 milliard dollary, al Mihelsonnyń 18 milliard dollardan astam qarajaty bar.
Jýrnal "Sibýr" munai holdinginiń qojaiyndarynyń biri Kirill Shamalovtyń aqshasy kóbeigenin atap ótti. Reuters agenttigi ony "Pýtinniń kúieý balasy" dep jazdy.
Reseilik milliarderlerdiń qarajatynyń ósýine aktsiialardyń baǵasynyń kóterilýi ǵana emes, rýbldiń ótken jyly 20 paiyzǵa nyǵaiýy da áser etti.
