دونالد ترامپ اقش پرەزيدەنتٸ بولىپ سايلانعان ۋاقىتتان بەرٸ رەسەيلٸك ميللياردەرلەردٸڭ, سونىڭ ٸشٸندە ۆلاديمير پۋتينمەن بايلانىسى بار بايلاردىڭ تابىسى 29 ميلليارد دوللارعا ٶسكەن, دەپ حابارلادى امەريكالىق Forbes جۋرنالى.
بەرٸنەن دە گەنناديي تيمچەنكو (2014 جىلى قىرىمنىڭ اننەكسيياسىنان سوڭ اقش سانكتسييالارىنا ٸلٸككەن) مەن لەونيد ميحەلسوننىڭ جاعدايى جاقسارعان. وعان نوۆاتەك گاز كومپانيياسىنىڭ اكتسييالارىنىڭ باعاسىنىڭ ٶسۋٸ سەبەپ بولعان (اقش-تاعى سايلاۋدان سوڭ 16 پايىزعا ٶسكەن). قازٸر تيمچەنكونىڭ 15 ميلليارد دوللارى, ال ميحەلسوننىڭ 18 ميلليارد دوللاردان استام قاراجاتى بار.
جۋرنال "سيبۋر" مۇناي حولدينگٸنٸڭ قوجايىندارىنىڭ بٸرٸ كيريلل شامالوۆتىڭ اقشاسى كٶبەيگەنٸن اتاپ ٶتتٸ. Reuters اگەنتتٸگٸ ونى "پۋتيننٸڭ كٷيەۋ بالاسى" دەپ جازدى.
رەسەيلٸك ميللياردەرلەردٸڭ قاراجاتىنىڭ ٶسۋٸنە اكتسييالاردىڭ باعاسىنىڭ كٶتەرٸلۋٸ عانا ەمەس, رۋبلدٸڭ ٶتكەن جىلى 20 پايىزعا نىعايۋى دا ەسەر ەتتٸ.
