QR Aýyl sharýashylyǵy ministrliginiń baspasóz qyzmeti reseilik «KamAgro» Saýda úii» kompaniiasynyń qazaqstandyq 16 fermerge mal jetkizýi tóńiregindegi máselege bailanysty málimet taratty, dep habarlaidy "Ult aqparat".
Vedomstvo fermerler shetten maldy jetkizý operatoryn ózderi tańdaǵanyn, QR Aýyl sharýashylyǵy ministrligi, «QazAgro» holdingi men onyń enshiles uiymdarynyń qatysýynsyz jasalǵanyn málimdedi.
«QazAgro» holdinginiń enshiles kompaniialarynan nesie qarajatyn alǵannan keiin, qazaqstandyq fermerler «KamAgro» kompaniiasymen Chehiia men Polshadan 1 269 iri qara malyn jetkizý týraly kelisim jasasqan.
«Ary qarai kelisimsharttyq mindettemelerge sáikes, fermerler «KamAgroǵa» kelisimshart somasynan orta eseppen 89 paiyz avans jibergen. 1269 bas iri qara maldyń tek bir bóligi ǵana jetkizilgen. Sonymen qatar, qazaqstandyq fermerler Reseidiń «KamAgro» kompaniiasyna múiizdi iri qara maldyń asyl tuqymy týraly shaǵym túsirip otyr, iaǵni asyl tuqymdy maldyń ornyna, saýdalyq mal jetkizilgen», - delingen QR AShM baspasóz qyzmetiniń habarlamasynda.
Qazaqstan Respýblikasynyń «Asyl tuqymdy mal sharýashylyǵy týraly» Zańyna sáikes, asyl tuqymdy maldyń mártebesin táýelsiz akkredittelgen qoǵamdyq uiymdar belgileidi. Osy oraida uiym Chehiia men Polshadan «KamAgro» ákelgen maldyń tuqymdyq mártebesin rastamaǵan.
«Oryn alǵan jaǵdaiǵa bailanysty QR Aýyl sharýashylyǵy ministrligi ókilderi fermerlermen birge Qazan qalasyna baryp, Tatarstan Respýblikasynyń Aýyl sharýashylyǵy jáne azyq-túlik ministrliginiń alańynda birneshe ret kelissózder ótkizdi. Sonymen qatar, Chehiia Aýyl sharýashylyǵy ministriniń orynbasarymen jáne Chehiia Respýblikasynyń Qazaqstandaǵy Elshisimen kezdesýler uiymdastyrdy. Osy kezdesýlerdiń jáne Tatarstannyń quqyq qorǵaý organdarymen ózara jumys júrgizýdiń nátijesinde, Qazaqstan Aýyl sharýashylyǵy ministrligi fermerlerdiń múddeleri úshin qylmystyq is qozǵaýǵa qol jetkizdi», - dep atalyp ótken taratylǵan málimette.
Qazirgi ýaqytta ministrlik 16 qazaqstandyq fermerdiń problemalaryn sheshý úshin barlyq sharalardy qabyldaýda.
«QazAgro» holdinginiń enshiles kompaniialaryna zardap shekken fermerlerge tólemdi keiinge qaldyrý jáne syiaqyny 2020 jyldyń 1 shildesine deiin toqtata turý usynyldy. Barlyq aiyppuldar da alynyp tastalady.
Bul másele QR Aýyl sharýashylyǵy ministrliginiń qadaǵalaýyna alynyp, 16 fermerge turaqty keńes berilip, arnaiy mamandar bekitildi. Osy oraida únemi baqylaý júrgiziledi jáne barlyq kelip túsken ótinishter jeke qarastyrylady.
