Reseide koronavirýs pandemiiasy kezinde virýs juqtyrǵan 160-qa jýyq dáriger qaitys boldy dep habarlady reseilik neirohirýrg, "Ordinatorskaia" podkastynyń avtory Aleksei Kasheev. Ol - koronavirýstan kóz jumǵan meditsina qyzmetkerleriniń aty-jóni engizilgen arnaiy tizimdi ("Spisok pamiati") qurastyrýshylardyń biri.
Kasheev ol adamdardyń virýsty qalai, qandai jaǵdaida juqtyryp alǵanyn beiresmi tizimdi qurastyrýshylar búge-shigesine deiin tolyq bilmeitinin moiyndaidy. Alaida ol Resei densaýlyq saqtaý ministrliginiń qaitys bolǵan dárigerler týraly sózine senbeitinin taǵy da málimdedi. Kasheevtiń sózinshe, dárigerler [derekterdi] "ádeii aýystyrý, ótirik berý" siiaqty isterge kezikken.
Sáýirdiń sońynda Reseidiń Sankt-Peterbýrg qalasyndaǵy Botkin atyndaǵy infektsiialyq aýrýhanadaǵy 120 meditsina qyzmetkerine, al sol qaladaǵy Mariinsk aýrýhanasynda elý shaqty dárigerge koronavirýs juqqany anyqtalǵan.
Reseide COVID-19 virýsyn juqtyryp qaitys bolǵan meditsina qyzmetkerleri jaily resmi jeke statistika joq.
12 mamyrdaǵy málimetke sai, Reseide virýs juqtyrǵandar 221 344 adamǵa jetken. Qazir Resei álemde bul kórsetkish jaǵynan 3-orynda tur. Elde 40 myńǵa jýyq adam jazylyp, 2 myńnan asa adam qaitys bolǵan.
