رەسەيدە كوروناۆيرۋس پاندەميياسى كەزٸندە ۆيرۋس جۇقتىرعان 160-قا جۋىق دەرٸگەر قايتىس بولدى دەپ حابارلادى رەسەيلٸك نەيروحيرۋرگ, "ورديناتورسكايا" پودكاستىنىڭ اۆتورى الەكسەي كاششەەۆ. ول - كوروناۆيرۋستان كٶز جۇمعان مەديتسينا قىزمەتكەرلەرٸنٸڭ اتى-جٶنٸ ەنگٸزٸلگەن ارنايى تٸزٸمدٸ ("سپيسوك پامياتي") قۇراستىرۋشىلاردىڭ بٸرٸ.
كاششەەۆ ول ادامداردىڭ ۆيرۋستى قالاي, قانداي جاعدايدا جۇقتىرىپ العانىن بەيرەسمي تٸزٸمدٸ قۇراستىرۋشىلار بٷگە-شٸگەسٸنە دەيٸن تولىق بٸلمەيتٸنٸن مويىندايدى. الايدا ول رەسەي دەنساۋلىق ساقتاۋ مينيسترلٸگٸنٸڭ قايتىس بولعان دەرٸگەرلەر تۋرالى سٶزٸنە سەنبەيتٸنٸن تاعى دا مەلٸمدەدٸ. كاششەەۆتٸڭ سٶزٸنشە, دەرٸگەرلەر [دەرەكتەردٸ] "ەدەيٸ اۋىستىرۋ, ٶتٸرٸك بەرۋ" سيياقتى ٸستەرگە كەزٸككەن.
سەۋٸردٸڭ سوڭىندا رەسەيدٸڭ سانكت-پەتەربۋرگ قالاسىنداعى بوتكين اتىنداعى ينفەكتسييالىق اۋرۋحاناداعى 120 مەديتسينا قىزمەتكەرٸنە, ال سول قالاداعى ماريينسك اۋرۋحاناسىندا ەلۋ شاقتى دەرٸگەرگە كوروناۆيرۋس جۇققانى انىقتالعان.
رەسەيدە COVID-19 ۆيرۋسىن جۇقتىرىپ قايتىس بولعان مەديتسينا قىزمەتكەرلەرٸ جايلى رەسمي جەكە ستاتيستيكا جوق.
12 مامىرداعى مەلٸمەتكە ساي, رەسەيدە ۆيرۋس جۇقتىرعاندار 221 344 ادامعا جەتكەن. قازٸر رەسەي ەلەمدە بۇل كٶرسەتكٸش جاعىنان 3-ورىندا تۇر. ەلدە 40 مىڭعا جۋىق ادام جازىلىپ, 2 مىڭنان اسا ادام قايتىس بولعان.
