Qazaqstandyq "Sberbank" pen "Alfa-Bank" Reseidegi bankterge áser etken sanktsiialarǵa qatysty pikir bildirip, qazir qandai fýnktsiialar qoljetimsiz bolyp qalǵanyn aitty, - dep habarlaidy Tengrinews.kz tilshisi.
"Alfa-Bank Qazaqstan" baspasóz qyzmeti sanktsiialar operatsiialyq qyzmetke áser etpedi jáne tek Batys naryqtarynda jańa obligatsiialar men aktsiialardy shyǵarýǵa qatysty dep sendirdi.
"Bank turaqty rejimde jumys isteidi jáne klientterge bank qyzmetiniń barlyq túri qoljetimdi. Shetel valiýtasyndaǵy tólemder men aýdarymdar, tólem kartochkalarymen operatsiialar standartty tártipte júrgiziledi.
Jalǵyz shekteý: bank ýaqytsha jańa eýroobligatsiialar shyǵara almaidy nemese Batys naryqtarynda aktsiia ornalastyra almaidy. Biraq "Alfa-Bank" - onsyz da obligatsiialar men aktsiialardy syrtqy naryqtarǵa ornalastyrmaityn memlekettik emes kompaniia, sondyqtan bul shekteýler is júzinde banktiń jumysyna áser etpeidi", - dedi banktiń baspasóz qyzmeti ókilderi.
Sondai-aq, "Sberbank Qazaqstan" baspasóz qyzmeti bank pen onyń barlyq júiesi qalypty jumys istep jatqanyna, klientter – jeke jáne zańdy tulǵalar qarajaty men qyzmetine tolyq qoljetkize alady dep sendirdi.
"Shottardy teńgemen jáne shetel valiýtasymen alý jáne tolyqtyrý boiynsha operatsiialar keńselerde, bankomattarda, Sber KZ jáne "SberBiznes" mobildi qosymshalarynda, sondai-aq basqa da qyzmet kórsetý arnalarynda shekteýsiz qoljetimdi. Taýarlar men qyzmetterge aqy tóleý, barlyq tólem júiesiniń plastikalyq kartalary boiynsha aýdarymdar men operatsiialar júrgiziledi jáne tolyq qoljetimdi. Valiýta aiyrbastaý shekteýsiz júrgiziledi. "Sberbankte" qazirgi jaǵdaida tabysty jumys isteýge barlyq qajetti resýrs jáne tájiribe bar", - dep túsindirdi bank ókilderi.
Baspasóz qyzmeti málimetinshe, qabyldanǵan shekteýler klient qarajatynyń saqtalýy men qoljetimdiligine áser etpeidi.
"VTB Qazaqstan" baspasóz qyzmeti jaǵdaiǵa qatysty pikir bildirmedi.
"Radio Spýtnik" málimetinshe, AQSh Reseidiń alty bankine: "Sberbank", VTB, "Gazprombank", "Otkrytie" banki, "Sovkombank" jáne "Novikombankke" qarsy sanktsiia salǵan.
