Resei Federatsiiasyna salynyp jatqan sanktsiialardyń Qazaqstannyń biznes salasyna qandai áserin tigizip jatyr. Bul týraly «Atameken» ulttyq kásipkerler palatasynyń Nur-Sultan qalasy boiynsha filialy direktorynyń mindetin atqarýshy Beisen Jolboldiev aityp berdi, dep habarlaidy QazAqparat.
«Reseige salynyp jatqan sanktsiialarǵa bailanysty ulttyq kásipkerler palatasy janynan jedel shtab qurylyp, jumys istep jatyr. Osy ýaqytqa deiin kásipkerlerden 377 biznes máselesi boiynsha suraqtar kelip tústi. Máselelerdiń deni logistikamen bailanysty. Iaǵni azyq-túlik, meditsinalyq ónimder, qurylys materialdaryn jetkizýge qatysty qiyndyqtar. Sonymen qatar aqsha aýdarymyna da qatysty túitkildi jaittar bar. Odan bólek, kóptegen kásipkerler Resei men Belarýs shekarasynan júkterin ótkize almai álek bolyp jatyr. Olardyń qatarynda qubyrlar, qaǵaz, temir, qurylys materialdary jáne meditsinalyq ónimder bar», - dedi Beisen Jolboldiev «Atameken» UKP-da onlain ótken baspasóz máslihatynda.
Sondai-aq, «Atameken» UKP ókili dollardyń ósýi keibir biznes kelisimsharttaryna qaýip tóngizgenin aitty.
«2021 jyly jasalǵan keibir kelisimsharttyń oryndalmaý qaýpi bar. Sebebi kelisim byltyr dollardyń baǵasy 435 teńge kezinde jasaldy. Al qazir dollar 510 teńgege jetip otyr. Osy tusta kásipkerler kótergen ár másele jedel shtabta qaralatyn bolady», - deidi ol.
Buǵan deiin habarlaǵanymyzdai Reseige salynyp jatqan sanktsiialardyń otandyq biznestiń damýyna áserine bailanysty kásipkerlerge arnalǵan jedel shtab quryldy.
