Reseige qarsy sanktsiianyń Qazaqstanǵa esh qatysy joq. Bul týraly búgin Memleket basshysy Nursultan Nazarbaevtyń Vashingtonǵa resmi saparynyń qorytyndysyna orai BAQ ókilderiniń saýalyna jaýap bergen AQSh-tyń Qazaqstandaǵy Tótenshe jáne ókiletti elshisi Djordj Krol aitty, dep habarlaidy Ult.kz tilshisi QazAqparat agenttigine silteme jasap.
«Árine, Reseige qarsy sanktsiianyń Qazaqstanǵa esh qatysy joq. Tolyqtai alǵanda bul saiasat Qazaqstanǵa qarsy baǵyttalmaǵan. Men Sizderge bul sanktsiianyń Qazaqstan ekonomikasyna yqpaly bar ekendigin aita alamyn jáne Qazaqstan taraby buǵan airyqsha alańdaýly. Biz bul máselede qazaqstandyq seriktestermen keńesýge ýaǵdalastyq. Máselen, Kongress qabyldaǵan zańnamalar boiynsha jáne basqalary. Bul zańnamalar qalai áreket etetindigine qatysty qazaqstandyq seriktestermen keńesýler bar jáne ol jalǵasa da beredi. AQSh taraby bul sanktsiialardyń Qazaqstanǵa, osy jerdegi qazaqstandyq biznes pen amerikalyq bizneske teris áser etpeýine niettestik tanytyp otyr», - dedi elshi.
