Reseige azyq-túlik eksportyna tyiym salý sheshimi tek kúrdeli jaǵdailarda ǵana qabyldanady. Bul týraly QR Saýda jáne integratsiia ministrligi saýda komitetiniń tóraǵasy Erjan Qazanbaev aitty, dep habarlaidy QazAqparat.
«Eksportqa tyiym salý – durys mehanizm emes. Mundai sheshimdi tek kúrdeli jaǵdailarda ǵana qabyldaý kerek. Eger biz eksportty jabatyn bolsaq, bizdiń otandyq óndirýshige taýar ótkizetin jańa naryqtardy tabý óte qiyn bolady. Sondyqtan biz bul máselege óte muqiiat qaraimyz. Muny mindetti túrde biznespen aldyn ala talqylaimyz, búkil esepteýlerdi júrgizemiz. Eger bizde tiisti qor bolsa nemese esh zapas bolmasa jáne qandai da bir taýarlar boiynsha qaýip-qaterdi baiqasaq, bizde de tapshylyq qaýpi týyndasa, tek osy jaǵdaida ǵana eksportqa tyiym salý týraly sheshim qabyldanady», - dedi Qazanbaev ortalyq kommýnikatsiialar qyzmetinde ótken baspasóz máslihatynda.
QR Aýyl sharýashylyǵy vitse-ministri Jeńis Óserbaidyń aitýynsha, 12 naýryzdaǵy jaǵdai boiynsha respýblikada barlyǵy 1,3 mln tonna áleýmettik mańyzy bar azyq-túlik bar, onyń ishinde un – 144 myń tonna, qant – 90 myń tonna, kúrish – 39,3 myń tonna, makaron – 21 myń tonna jáne shamamen 900 myń tonna kókónis ónimderi jáne basqalary bar. Tiisinshe Qazaqstanda azyq-túlik tapshylyǵyna esh negiz joq.
Aita keteiik, Qazaqstanda shamamen 90 myń tonna qant qory bar jáne respýblika qantpen tolyq qamtamasyz etilgen.
