رەسەيگە ازىق-تٷلٸك ەكسپورتىنا تىيىم سالۋ شەشٸمٸ تەك كٷردەلٸ جاعدايلاردا عانا قابىلدانادى. بۇل تۋرالى قر ساۋدا جەنە ينتەگراتسييا مينيسترلٸگٸ ساۋدا كوميتەتٸنٸڭ تٶراعاسى ەرجان قازانباەۆ ايتتى, دەپ حابارلايدى قازاقپارات.
«ەكسپورتقا تىيىم سالۋ – دۇرىس مەحانيزم ەمەس. مۇنداي شەشٸمدٸ تەك كٷردەلٸ جاعدايلاردا عانا قابىلداۋ كەرەك. ەگەر بٸز ەكسپورتتى جاباتىن بولساق, بٸزدٸڭ وتاندىق ٶندٸرۋشٸگە تاۋار ٶتكٸزەتٸن جاڭا نارىقتاردى تابۋ ٶتە قيىن بولادى. سوندىقتان بٸز بۇل مەسەلەگە ٶتە مۇقييات قارايمىز. مۇنى مٸندەتتٸ تٷردە بيزنەسپەن الدىن الا تالقىلايمىز, بٷكٸل ەسەپتەۋلەردٸ جٷرگٸزەمٸز. ەگەر بٸزدە تيٸستٸ قور بولسا نەمەسە ەش زاپاس بولماسا جەنە قانداي دا بٸر تاۋارلار بويىنشا قاۋٸپ-قاتەردٸ بايقاساق, بٸزدە دە تاپشىلىق قاۋپٸ تۋىنداسا, تەك وسى جاعدايدا عانا ەكسپورتقا تىيىم سالۋ تۋرالى شەشٸم قابىلدانادى», - دەدٸ قازانباەۆ ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
قر اۋىل شارۋاشىلىعى ۆيتسە-مينيسترٸ جەڭٸس ٶسەربايدىڭ ايتۋىنشا, 12 ناۋرىزداعى جاعداي بويىنشا رەسپۋبليكادا بارلىعى 1,3 ملن توننا ەلەۋمەتتٸك ماڭىزى بار ازىق-تٷلٸك بار, ونىڭ ٸشٸندە ۇن – 144 مىڭ توننا, قانت – 90 مىڭ توننا, كٷرٸش – 39,3 مىڭ توننا, ماكارون – 21 مىڭ توننا جەنە شامامەن 900 مىڭ توننا كٶكٶنٸس ٶنٸمدەرٸ جەنە باسقالارى بار. تيٸسٸنشە قازاقستاندا ازىق-تٷلٸك تاپشىلىعىنا ەش نەگٸز جوق.
ايتا كەتەيٸك, قازاقستاندا شامامەن 90 مىڭ توننا قانت قورى بار جەنە رەسپۋبليكا قانتپەن تولىق قامتاماسىز ەتٸلگەن.
