Ulttyq Qaýipsizdik komiteti oblystyq departamentiniń qyzmetkerleri Resei Federatsiiasyna meditsinalyq maska ótkizbek bolǵan kólik júrgizýshisin qolǵa túsirdi, dep habarlaidy "Ult aqparat".
Oqiǵa 21 sáýir kúni QR Ulttyq Qaýipsizdik komitteti Qostanai oblysy boiynsha departamentine qarasty «Qairaq» shekara bóliminde bolǵan. Shekaranyń baqylaý bólimi bastyǵy Ómirbek Qýatovtyń aitýynsha, kúdikti iis sezgish ittiń kómegimen ustaldy.
«Kúndelikti áskeri qyzmet barysynda zań buzýshylyq áreketiniń beti ashyldy. Elimizdegi tótenshe jaǵdaiǵa qaramastan shekaradan zańsyz meditsinalyq maskany alyp ótpek bolǵan azamat ustaldy. Memlekettik nómiri V844 EÝO «Mersedes» markaly júk kóligi «Almaty-Ekaterinbýrg» baǵytynda jolǵa shyqqan. «Qairaq» shekara qyzmetkerleri iis sezgish itterdiń kómegimen onyń 11500 dana maskany zańsyz alyp ótpek bolǵanyn anyqtady. Shyǵyn kólemi 1357000 teńgeni quraidy», - dedi Ómirbek Qýatov.
Qazirgi ýaqytta osy derek boiynsha tergeý sharalary júrgizilýde. Tárkilengen meditsinalyq maska Ekonomikalyq baqylaý basqarmasyna jóneltildi.
