ۇلتتىق قاۋٸپسٸزدٸك كوميتەتٸ وبلىستىق دەپارتامەنتٸنٸڭ قىزمەتكەرلەرٸ رەسەي فەدەراتسيياسىنا مەديتسينالىق ماسكا ٶتكٸزبەك بولعان كٶلٸك جٷرگٸزۋشٸسٸن قولعا تٷسٸردٸ, دەپ حابارلايدى "ۇلت اقپارات".
وقيعا 21 سەۋٸر كٷنٸ قر ۇلتتىق قاۋٸپسٸزدٸك كوميتتەتٸ قوستاناي وبلىسى بويىنشا دەپارتامەنتٸنە قاراستى «قايراق» شەكارا بٶلٸمٸندە بولعان. شەكارانىڭ باقىلاۋ بٶلٸمٸ باستىعى ٶمٸربەك قۋاتوۆتىڭ ايتۋىنشا, كٷدٸكتٸ يٸس سەزگٸش يتتٸڭ كٶمەگٸمەن ۇستالدى.
«كٷندەلٸكتٸ ەسكەري قىزمەت بارىسىندا زاڭ بۇزۋشىلىق ەرەكەتٸنٸڭ بەتٸ اشىلدى. ەلٸمٸزدەگٸ تٶتەنشە جاعدايعا قاراماستان شەكارادان زاڭسىز مەديتسينالىق ماسكانى الىپ ٶتپەك بولعان ازامات ۇستالدى. مەملەكەتتٸك نٶمٸرٸ ۆ844 ەۋو «مەرسەدەس» ماركالى جٷك كٶلٸگٸ «الماتى-ەكاتەرينبۋرگ» باعىتىندا جولعا شىققان. «قايراق» شەكارا قىزمەتكەرلەرٸ يٸس سەزگٸش يتتەردٸڭ كٶمەگٸمەن ونىڭ 11500 دانا ماسكانى زاڭسىز الىپ ٶتپەك بولعانىن انىقتادى. شىعىن كٶلەمٸ 1357000 تەڭگەنٸ قۇرايدى», - دەدٸ ٶمٸربەك قۋاتوۆ.
قازٸرگٸ ۋاقىتتا وسى دەرەك بويىنشا تەرگەۋ شارالارى جٷرگٸزٸلۋدە. تەركٸلەنگەن مەديتسينالىق ماسكا ەكونوميكالىق باقىلاۋ باسقارماسىنا جٶنەلتٸلدٸ.
