Sberbank, Alfa bank jáne VTB – Batys elderi sanktsiiaǵa engizgen osy úsh bankte qazaqstandyqtardyń 500 mlrd teńge kólemindegi salymdary men depozitteri jatyr. Bul týraly Senat otyrysynda Qarjy naryǵyn retteý jáne damytý agenttiginiń tóraǵasy Madina Ábilqasymova aitty, dep habarlaidy Ulysmedia.kz.
Búgingi otyrysta Qazaqstannyń keibir zańnamalyq aktilerine saqtandyrý naryǵyn jáne baǵaly qaǵazdar naryǵyn retteý men damytý, bank qyzmeti máseleleri boiynsha ózgerister men tolyqtyrýlar engizý týraly zań jobasy qaralǵan. Qujatty talqylaý barysynda senator Andrei Lýkin Madina Ábilqasymovaǵa suraq qoidy.
«Geosaiasi jaǵdailarǵa bailanysty Qazaqstanda jumys isteitin Reseidiń keibir bankteri sanktsiiaǵa ushyrady. Osyǵan bailanysty suraq qoiaiyn dep edim: reseilik bankterde salymy nemese depoziti bar azamattarymyzdyń jaǵdaiy qalai? Osy bankter jumysyn toqtatqan jaǵdaida qazaqstandyqtar sol bankterge salǵan aqshasyn qaitara aldy ma?», - dep surady ministr.
Bul suraqqa jaýap bergen Madina Ábilqsymova aqpannan bastap Qazaqstan azamattary Resei bankterindegi salymyn otandyq bankterge sala bastaǵanyn atap ótti.
«24 aqpanan bastap Reseidiń enshiles úsh banki – Sberbank, Alfa bank jáne VTB sanktsiiaǵa ushyrady. Olardyń jumysyna belgili bir shekteýler engizildi. Atap aitqanda, korrespondettik shottar jabylyp, olardyń aktivteri buǵattaldy. Olar sonymen birge dollarmen, fýnt sterlingpen esep aiyrysa almai qaldy. Sol sátten bastap enshiles úsh bankten depozitin alǵysy keletinderdiń sany kóbeidi. Sol depozitter ainalyp kelip ózimizdiń qazaqstandyq bankterge kele bastady», - dedi Madina Ábilqasymova.
Agenttik basshysy úsh bankte de tólem qabileti bar ekenin aitady.
«Ol bankterdiń jiyntyq portfeli de joǵary. Depozitterin alǵysy keletin, ol aqshasyn Qazaqstannyń bankterine aýdarǵysy keletin klientterdiń báriniń talaptary tolyq oryndaldy. Qazirgi ýaqytta atalmysh bankterde jeke jáne zańdy tulǵalardyń 500 mlrd kólemindegi depozitteri áli saqtalyp tur. Sonymen birge bul bankterdiń 1,7 trln teńgelik likvidtiligi baryn atap ótý kerek. Likvidti somanyń ózi 590 mlrd teńge. Osylaisha, bul soma zańdy jáne jeke tulǵalardyń talaptaryn oryndaýǵa bul aqsha tolyq jetedi», - dep atap ótti ol.
Madina Ábilqasymovanyń aitýyna qaraǵanda, Alfa-bankti Bank Tsentr Kredit satyp alǵan. Onyń ataýy ózgergen. Alfa bank – Eko-bankke ainalyp, BTsK-nyń bir bóligine ainalady.
«Tiisinshe, jeke jáne zańdy tulǵalardyń salymdary men depozitteri BTsK-nyń enshisine beriledi. Mindettemelerdiń bári osy bank oryndaidy. Sol sebepti bul baǵytta alańdaityndai eshteńe joq», - dep túidi agenttik basshysy.
