سبەربانك, الفا بانك جەنە ۆتب – باتىس ەلدەرٸ سانكتسيياعا ەنگٸزگەن وسى ٷش بانكتە قازاقستاندىقتاردىڭ 500 ملرد تەڭگە كٶلەمٸندەگٸ سالىمدارى مەن دەپوزيتتەرٸ جاتىر. بۇل تۋرالى سەنات وتىرىسىندا قارجى نارىعىن رەتتەۋ جەنە دامىتۋ اگەنتتٸگٸنٸڭ تٶراعاسى مادينا ەبٸلقاسىموۆا ايتتى, دەپ حابارلايدى Ulysmedia.kz.
بٷگٸنگٸ وتىرىستا قازاقستاننىڭ كەيبٸر زاڭنامالىق اكتٸلەرٸنە ساقتاندىرۋ نارىعىن جەنە باعالى قاعازدار نارىعىن رەتتەۋ مەن دامىتۋ, بانك قىزمەتٸ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى زاڭ جوباسى قارالعان. قۇجاتتى تالقىلاۋ بارىسىندا سەناتور اندرەي لۋكين مادينا ەبٸلقاسىموۆاعا سۇراق قويدى.
«گەوساياسي جاعدايلارعا بايلانىستى قازاقستاندا جۇمىس ٸستەيتٸن رەسەيدٸڭ كەيبٸر بانكتەرٸ سانكتسيياعا ۇشىرادى. وسىعان بايلانىستى سۇراق قويايىن دەپ ەدٸم: رەسەيلٸك بانكتەردە سالىمى نەمەسە دەپوزيتٸ بار ازاماتتارىمىزدىڭ جاعدايى قالاي? وسى بانكتەر جۇمىسىن توقتاتقان جاعدايدا قازاقستاندىقتار سول بانكتەرگە سالعان اقشاسىن قايتارا الدى ما?», - دەپ سۇرادى مينيستر.
بۇل سۇراققا جاۋاپ بەرگەن مادينا ەبٸلقسىموۆا اقپاننان باستاپ قازاقستان ازاماتتارى رەسەي بانكتەرٸندەگٸ سالىمىن وتاندىق بانكتەرگە سالا باستاعانىن اتاپ ٶتتٸ.
«24 اقپانان باستاپ رەسەيدٸڭ ەنشٸلەس ٷش بانكٸ – سبەربانك, الفا بانك جەنە ۆتب سانكتسيياعا ۇشىرادى. ولاردىڭ جۇمىسىنا بەلگٸلٸ بٸر شەكتەۋلەر ەنگٸزٸلدٸ. اتاپ ايتقاندا, كوررەسپوندەتتٸك شوتتار جابىلىپ, ولاردىڭ اكتيۆتەرٸ بۇعاتتالدى. ولار سونىمەن بٸرگە دوللارمەن, فۋنت ستەرلينگپەن ەسەپ ايىرىسا الماي قالدى. سول سەتتەن باستاپ ەنشٸلەس ٷش بانكتەن دەپوزيتٸن العىسى كەلەتٸندەردٸڭ سانى كٶبەيدٸ. سول دەپوزيتتەر اينالىپ كەلٸپ ٶزٸمٸزدٸڭ قازاقستاندىق بانكتەرگە كەلە باستادى», - دەدٸ مادينا ەبٸلقاسىموۆا.
اگەنتتٸك باسشىسى ٷش بانكتە دە تٶلەم قابٸلەتٸ بار ەكەنٸن ايتادى.
«ول بانكتەردٸڭ جيىنتىق پورتفەلٸ دە جوعارى. دەپوزيتتەرٸن العىسى كەلەتٸن, ول اقشاسىن قازاقستاننىڭ بانكتەرٸنە اۋدارعىسى كەلەتٸن كليەنتتەردٸڭ بەرٸنٸڭ تالاپتارى تولىق ورىندالدى. قازٸرگٸ ۋاقىتتا اتالمىش بانكتەردە جەكە جەنە زاڭدى تۇلعالاردىڭ 500 ملرد كٶلەمٸندەگٸ دەپوزيتتەرٸ ەلٸ ساقتالىپ تۇر. سونىمەن بٸرگە بۇل بانكتەردٸڭ 1,7 ترلن تەڭگەلٸك ليكۆيدتٸلٸگٸ بارىن اتاپ ٶتۋ كەرەك. ليكۆيدتٸ سومانىڭ ٶزٸ 590 ملرد تەڭگە. وسىلايشا, بۇل سوما زاڭدى جەنە جەكە تۇلعالاردىڭ تالاپتارىن ورىنداۋعا بۇل اقشا تولىق جەتەدٸ», - دەپ اتاپ ٶتتٸ ول.
مادينا ەبٸلقاسىموۆانىڭ ايتۋىنا قاراعاندا, الفا-بانكتٸ بانك تسەنتر كرەديت ساتىپ العان. ونىڭ اتاۋى ٶزگەرگەن. الفا بانك – ەكو-بانككە اينالىپ, بتسك-نىڭ بٸر بٶلٸگٸنە اينالادى.
«تيٸسٸنشە, جەكە جەنە زاڭدى تۇلعالاردىڭ سالىمدارى مەن دەپوزيتتەرٸ بتسك-نىڭ ەنشٸسٸنە بەرٸلەدٸ. مٸندەتتەمەلەردٸڭ بەرٸ وسى بانك ورىندايدى. سول سەبەپتٸ بۇل باعىتتا الاڭدايتىنداي ەشتەڭە جوق», - دەپ تٷيدٸ اگەنتتٸك باسشىسى.
