Resei Federatsiiasy quramyndaǵy Qarashai-Cherkes respýblikasyndaǵy Dombai taý kýrortynda shańǵy jolyn qar kóshkini basyp qalǵan bolatyn. Atalmysh oqiǵa saldarynan 1 adam mert boldy, dep habarlaidy Reseidiń TASS agenttigi.
Uzyndyǵy 300 m bolatyn kóshkin Dombai aýylyndaǵy Mýssa-Achitara taýyndaǵy shańǵy jolyn basyp qalǵan. Bir adam qaza tapty: ol — «Dombai» taý shańǵysy sporty jáne snoýbord federatsiiasynyń prezidenti Hadji-Mýrat Marshankýlov.
Qar úiindisiniń astynda 4-ten 12 adamǵa deiin bolýy múmkin. Bir áiel adam qutqarylyp, dárigerlerge tapsyryldy. Sondai-aq qardyń astynan alty adam ózi shyqqan. Keiinirek aýyldan taǵy eki adam tiri tabyldy.
«Kóshkin túsken jolda bolýy yqtimal delingen birneshe adam qonaqúide bolǵan» dep habarlady derekkóz.
Aldyn ala málimetter boiynsha, tórt adam zardap shekti, dep habarlady jedel qyzmetterde.
8-878-226-01-00 jedel jeli telefony jumys istep tur.
TJM málimetinshe, taý shańǵysy jabdyqtaryn jalǵa beretin eki pýnkt kóshkin astynda qalýy múmkin. Sondai-aq qar kóshkini kafeni qiratty.
TJM zardap shekkenderdi izdeýge 233 adam men 28 tehnika jumyldyrdy. Izdestirý-qutqarý jumystary aýa raiynyń qolaisyzdyǵyna bailanysty tańerteńge deiin toqtatyldy.
Prokýratýra tekserý uiymdastyrdy. Oqiǵa ornyna Karachaevsk prokýrory men onyń orynbasary kelip jetti.
Buǵan deiin Karachaevsk-Cherkessiia boiynsha TJM MM 2 myń metrden joǵary taýlarda kóshkin qaýpi týraly shuǵyl eskertý taratqan bolatyn.
