QR Parlamenti Májilisiniń tóraǵasy Erlan Qoshanov reseilikterdiń Qazaqstannyń eńbek naryǵynan oryn tabýy týraly pikirin aitty, dep habarlaidy QazAqparat.
«Bul ahýaldyń jaǵymdy qyry da bar. Eger bizge joǵary bilikti mamandar kelip, óz ornyn taýyp jatsa, biznes ashyp, jumys oryndaryn qursa, salyq tólep tursa, Qazaqstan budan tek utady.
Árine, báseke artady. Bizdiń biznes básekege úirenýi kerek. Báseke bolǵan jerde odan halyq utady. Taýardyń, qyzmettiń sapasy artady degen sóz», - degen Májilis tóraǵasy ázirge Reseiden biznes alpaýyttary kelip jatpaǵanyn atap ótti.
«Men inDriver kompaniiasynyń ǵana Máskeýdegi keńsesi bizge ótkenin bilemin. Meniń bilýimshe inDriver-diń 600 qalada ókildigi bar. Olardyń kelýinen bizge jaman boldy ma, álde jaqsy boldy ma?», - dedi Májilis tóraǵasy.
