قر پارلامەنتٸ مەجٸلٸسٸنٸڭ تٶراعاسى ەرلان قوشانوۆ رەسەيلٸكتەردٸڭ قازاقستاننىڭ ەڭبەك نارىعىنان ورىن تابۋى تۋرالى پٸكٸرٸن ايتتى, دەپ حابارلايدى قازاقپارات.
«بۇل احۋالدىڭ جاعىمدى قىرى دا بار. ەگەر بٸزگە جوعارى بٸلٸكتٸ ماماندار كەلٸپ, ٶز ورنىن تاۋىپ جاتسا, بيزنەس اشىپ, جۇمىس ورىندارىن قۇرسا, سالىق تٶلەپ تۇرسا, قازاقستان بۇدان تەك ۇتادى.
ەرينە, بەسەكە ارتادى. بٸزدٸڭ بيزنەس بەسەكەگە ٷيرەنۋٸ كەرەك. بەسەكە بولعان جەردە ودان حالىق ۇتادى. تاۋاردىڭ, قىزمەتتٸڭ ساپاسى ارتادى دەگەن سٶز», - دەگەن مەجٸلٸس تٶراعاسى ەزٸرگە رەسەيدەن بيزنەس الپاۋىتتارى كەلٸپ جاتپاعانىن اتاپ ٶتتٸ.
«مەن inDriver كومپانيياسىنىڭ عانا مەسكەۋدەگٸ كەڭسەسٸ بٸزگە ٶتكەنٸن بٸلەمٸن. مەنٸڭ بٸلۋٸمشە inDriver-دٸڭ 600 قالادا ٶكٸلدٸگٸ بار. ولاردىڭ كەلۋٸنەن بٸزگە جامان بولدى ما, ەلدە جاقسى بولدى ما?», - دەدٸ مەجٸلٸس تٶراعاسى.
