Resei Federatsiiasynyń Irekli sý qoimasynan jiberilgen sý elimizdiń aýmaǵy arqyly ótip jatyr dep málimdedi QR Sý resýrstary jáne irrigatsiia ministrliginiń resmi ókili Móldir Ábdýalieva Ortalyq Kommýnikatsiialar Qyzmetinde ótken brifingte. Bul týraly "Arasha Aqparat" tilshisi habarlaidy.
"Tasqyn sýynyń úlken kólemi Jaiyq ózeniniń arnasy boiynsha Oral qalasy arqyly ótedi. Óńirde sý tasqyny jalǵasýda, -dep otyr quzyretti mekeme ókili.
Mamannyń aitýynsha «Qazsýshar» mekemesiniń Batys Qazaqstan filialynyń mamandary tasqyn sýyn qaýipsiz ótkizý is-sharalaryn atqarýda. Aimaqtaǵy sý qoimalary úlken kólemde sý qabyldaýǵa daiyn. Oral-Kóshim sýarý-sýlandyrý júiesiniń 4 sý qoimasy belsendi sý jinap jatyr. Qazir olarda 224 million tekshe metr sý jinaldy, bul jalpy kólemniń 86%-y.
Úlken jáne Kishi Ózen ózenderindegi sý tasqyny aiaqtaldy. Oral qalasyndaǵy Jaiyq ózeniniń deńgeii 863 sm, ol bir táýlikte 1 sm-ge tómendedi.
"Tasqyn sýdy utymdy paidalaný jáne limandarǵa, tabiǵi shabyndyqtar men kólderge jiberý úshin «Qazsýshar» mekemesiniń Batys Qazaqstan filialynyń mamandary Oral-Kóshim sýarý-sýlandyrý júiesin mehanikalyq tazartý jumysyn júrgizedi. Sondai-aq kanaldardyń sýmen shaiylǵan ýchaskelerinde jáne sý qoimalary kaskadynyń gidrotehnikalyq qurylystarynda jedel qalpyna keltirý jumystary júrgizilýde. «Qazsýshar» mamandary Resei Federatsiiasynyń Orynbor jáne Saratov oblystarynyń sý qyzmetterimen únemi aqparat almasady", -dep málimdedi Móldir Ábdýalieva.
Mamannyń sózinshe BQO-daǵy sý tasqyny jaǵdaiy - turaqty kúrdeli dep baǵalanýda eken.
Aqmola oblysynda Astana jáne Sileti sý qoimalary 100%-ǵa toly. Eki nysan da shtattyq kestege sai jumys istep turǵan kórinedi.
Óńirde «Alva» jáne «Keńbidaiyq» limandy sýarý júieleri 100%-ǵa toldy. Sondai-aq, Tselinograd aýdanynyń Qozykósh, Muqyr jáne Qarasý ózenderiniń arnalary sýǵa toldy. Qorǵalyjyn qoryǵynyń Teńiz kóline 1,5 mlrd tekshe metr sý jiberildi.
Soltústik Qazaqstan oblysynda 2 iri sý qoimasy 100%-ǵa toly, aimaqta sý tasqyny jalǵasýda. Sergeev sý qoimasy bógetiniń jotasy arqyly sýdyń asyp ketý biiktigi 337 sm-ge deiin tómendedi.
Sý tasqyny kezinde «Qazsýshar» mekemesiniń Soltústik Qazaqstan filialynyń mamandary Sergeev sý torabynyń jaǵalaýyn nyǵaitý jumysyn júrgizdi. 82 tonnadan astam kesek tastar, 15 temirbeton plita, 25 temirbeton blok jáne basqa materialdar tóseldi.
Osy saǵatqa Petropavl qalasy shegindegi Esil ózeniniń deńgeii - 1279 sm. Óńirdegi jaǵdai shielenisti bolyp qala beredi.
Aqtóbe oblysyndaǵy eki iri sý qoimasynyń ortasha sý jinaý kórsetkishi 97%. Eki nysan da shtattyq kestege sai jumys isteidi.
Aqtóbe oblysy boiynsha filial iri sý qoimalary men birneshe limannyń jumysyn baqylaidy. Nysandarda qaýipti jaǵdai baiqalmaidy.
Shyǵys Qazaqstan oblysyndaǵy eki iri sý qoimasy boiynsha ortasha sý jinaý kórsetkishi shamamen 82%.
Shyǵys Qazaqstan oblysy boiynsha «Qazsýshar» filialynyń qyzmetkerleri aýa temperatýrasynyń joǵarylaýy men qardyń qarqyndy erýinen týyndaǵan sý torabynyń shaiylý qaýpiniń aldyn aldy. Bul ShQO Marqakól aýdany Qaljyr ózeni deńgeiiniń kóterilýine de áser etti. Qazir «Qazsýshar» mamandary ózen jaǵasyn nyǵaitý jumystaryn júrgizýde. Bul jumystarǵa arnaiy tehnika tartylǵan.
Abai oblysynda Shúlbi sý qoimasy 57%-ǵa toldy. Óńirde sý tasqyny jalǵasýda. Shúlbi sý qoimasyna búiirlik aǵyndardyń ulǵaiýyna bailanysty sý jiberilip jatyr. Ertis kaskadynyń sý qoimalary shtattyq rejimde jumys isteidi.
Abai oblysynyń Úrjar aýdanynda Qarakól sý qoimasynyń qurylystary men Kókpekti aýdanynda Úlken Bóken ózenindegi sý toraby tazartyldy.
Qaraǵandy oblysynda 3 iri sý qoimasy 98,5%-ǵa toly. Olardyń barlyǵy da shtattyq rejimde jumys isteidi.
«Qazsýshar» Qaraǵandy filialy Jartas sý qoimasyndaǵy Jartas jáne Malokomspai magistraldyq kanaldary ýchaskeleriniń beton betkeileri men túbine jóndeý jumystaryn júrgizedi. Arnalardy lai men ósimdikterden tazartý da bastaldy. 5 gidrotehnikalyq qurylysta jergilikti dabyl júieleri ornatylýda.
Qostanai oblysyndaǵy eki iri sý qoimasynyń ortasha sý jinaý kórsetkishi 92%. Eki nysan da shtattyq kestege sai jumys isteidi jáne uzaq ýaqyt boiy aimaq turǵyndaryn qajetti mólsherde sýmen qamtamasyz ete alady.
"ShQO men BQO-dan basqa barlyq óńirlerde sý tasqynynyń belsendi kezeńi ótti. Sý qoimalarynda táýlik boiy kezekshilik jáne sý sharýashylyǵy jaǵdaiynyń monitoringi jalǵasýda", -dep baiandady maman.
