Qoǵamdyq densaýlyq saqtaý departamenti mikrobiologiialyq kórsetkishter boiynsha densaýlyqqa ziian keltiretin azyq-túlik ónimderin anyqtady, dep habarlaidy «QazAqparat» tilshisi.
Vedomstvo baspasóz qyzmetiniń aqparatyna súiensek, Reseiden kelgen «Chebarkýlskaia ptitsa» broiler-balapany óniminen jáne AQSh-tan keletin taýyq sanynan salmonella tabylǵan. Bul taban astynda jasalǵan tekseris nátijesinde anyqtalyp otyr. Atalǵan ónimder tolyqtai joiyldy. Salmonella Reseiden «MPK» ataýymen keletin taýyq etinen de tabyldy. Sonymen qatar «CAPITAL PROJECTS LTD» JShS óndiretin «Kýrochka riaba» boilerinen de tabylǵan.
«Ónimdi burmalaý faktileri tirkelip otyr. Sút ónimderinen alynǵan 100 synamanyń 6 paiyzy talapqa sáikes kelmegen. Bul Lactalis International jáne «President» maiy jáne «Shadrinskoe» sútine qatysty. Reseiden keletin qus etterinen alynǵan 100 synamanyń úsheýinen markirovkada eskertilmegen shoshqa DNQ-sy (Dezoksiribonýklein qyshqyly) tabylǵan», - deidi tehnikalyq reglamentterdi qadaǵalaý bóliminiń basshysy Samat Qazanbaev.
