© Photo: "KazTransOil" AQ baspasóz qyzmeti
Parlament májilisi "Qazaqstan úkimeti men Resei úkimeti arasyndaǵy Qazaqstanǵa munai jáne munai ónimderin jetkizý salasyndaǵy saýda-ekonomikalyq yntymaqtastyq týraly kelisimge ózgeris engizý týraly hattamany ratifikatsiialaý týraly" zańdy qabyldady, dep habarlaidy Sputnik Qazaqstan.
Energetika ministri Almasadam Sátqalievtiń aitýynsha, 2010 jylǵy 9 jeltoqsanda Qazaqstan men Resei úkimetteri arasynda Qazaqstan Respýblikasyna munai jáne munai ónimderin jetkizý salasyndaǵy saýda-ekonomikalyq yntymaqtastyq týraly ekijaqty kelisimge qol qoiyldy.
Ekijaqty kelisimniń 3-babynda 2014 jylǵy 1 qańtardan bastap Reseiden Qazaqstanǵa ákelinetin Keden odaǵynyń syrtqy ekonomikalyq qyzmetiniń biryńǵai taýar nomenklatýrasynyń 27-tobynda jikteletin munai jáne munai ónimderi esepke alý maqsatynda Resei Federatsiiasynda olar Keden odaǵynyń kedendik aýmaǵynan tys áketilgendei kedendik deklaratsiialaýǵa jatatyny belgilendi. Bul sharttar Resei tarapyna munai ónimderin eksporttyq kedendik baj salyǵynsyz Qazaqstan Respýblikasyna áketý esebin júrgizýge múmkindik beredi.
"2019 jyly Resei tarapy ekijaqty kelisimniń 3-babyna ózgeris engizý týraly usynyspen shyqty. Usynys Resei Federatsiiasynda kedendik deklaratsiialaý arqyly statistikalyq esepke alýdy jalǵastyrý, biraq 2022-2024 jyldary munai jáne munai ónimderin qubyr kóligimen áketýdi qospaǵanda, Qazaqstanǵa munai ónimderin jetkizý kezinde ýaqytsha merzimdi deklaratsiialaý rásimin qoldanýdy alyp tastaý týraly boldy", - dedi Sátqaliev májilistiń jalpy otyrysynda.
Eki eldiń keden kodeksterinde ýaqytsha merzimdi deklaratsiialaý rásimi kózdelgen. Ministrdiń aitýynsha, Resei munai ónimderin Qazaqstanǵa áketý kezinde ýaqytsha merzimdi deklaratsiiany qoldanýdy joiý qazaqstandyq kásipkerlerge satýshyny, jetkizý sharttaryn jáne tiisinshe olar úshin qolaily baǵamen tańdaýǵa múmkindik berip, oń áserin tigizedi.
Májilis zańdy qabyldap, senattyń qaraýyna joldady.
