QR Syrtqy ister ministrligi Reseidiń Saratov oblysyndaǵy qazaqstandyq jolaýshylar avtobýsynyń apaty jóninde pikir bildirdi, dep habarlaidy QazAqparat.
«Qazaqstannyń Astraxandaǵy konsýly Qanat Shekqaliev bul oqiǵa boiynsha jedel túrde jergilikti bilikpen bailanysqa shyǵyp, apattyń mán-jaǵdaiyn anyqtap jatyr. Bastapqy málimet boiynsha, avtobýsta barlyǵy 7 adam bolǵan. Onyń beseýi qaza tapty, olardyń barlyǵy - Ózbekstan azamattary. Avtobýs júrgizýshisi men onyń kómekshisi - Qazaqstan azamattary. Olar tiri, jaǵdailary aýyr, aýrýxanaǵa jetkizildi», - dep jaýap berdi QR SIM resmi ókili Aibek Smadiiarov.
Aita keteiik, búgin RF Saratov oblysynyń Ozinskii aýdanyndaǵy temir jol ótpesinde «Saratov-Oral» reistik avtobýsy júk poiyzymen soqtyǵysty.
