Eiskide Sý-34 áskeri ushaǵy qulap, 9 qabatty ǵimarat órtengen apattan qaza tapqandar sany 13 adamǵa jetti. Bul týraly Resei Densaýlyq saqtaý ministrligi habarlady, - dep jazady Tengrinews.kz agenttigi.
"Eisk qalasyndaǵy Tótenshe jaǵdailar ministrliginiń qutqarýshylary úiindilerdi tazartqannan keiin, ushaq qulaǵan jerden qaza tapqandardyń máiitterin tapty. 18 qazan saǵat 06:00-degi jaǵdai boiynsha apat saldarynan 13 adam qaza tapty, onyń ishinde - 3 bala. 19 adam túrli dárejedegi dene jaraqatyn aldy, olardyń tórteýi Krasnodar oblystyq aýrýhanasynda emdelip jatyr, qalǵandary Eiskide emdeledi. Zardap shekkenderge barlyq qajetti meditsinalyq jáne psihologiialyq kómek kórsetiledi", - dep habarlady Densaýlyq saqtaý ministrligi.
Reseidiń Tótenshe jaǵdailar ministrligi úsh adamnyń ólimi birden belgili bolǵanyn, keiin úi qirandylarynyń astynan on adamnyń máiiti tabylǵanyn aitty.
"Eiskide izdestirý-qutqarý operatsiiasy barysynda 68 adam qutqaryldy, onyń ishinde baspaldaqtardyń kómegimen 360-tan asa adam evakýatsiialandy", - dep túsindirdi departament ókili.
Eske salaiyq, Reseidiń Eisk qalasynda áskeri ushaq kópqabatty turǵyn úige qulaǵan bolatyn.
Resei Qorǵanys ministrligi Sý-34 ushaǵy Ońtústik áskeri okrýginiń aerodromynan oqý-jattyǵý maqsatynda kóterilgen kezde qulaǵanyn málimdedi.
