ەيسكٸدە سۋ-34 ەسكەري ۇشاعى قۇلاپ, 9 قاباتتى عيمارات ٶرتەنگەن اپاتتان قازا تاپقاندار سانى 13 ادامعا جەتتٸ. بۇل تۋرالى رەسەي دەنساۋلىق ساقتاۋ مينيسترلٸگٸ حابارلادى, - دەپ جازادى Tengrinews.kz اگەنتتٸگٸ.
"ەيسك قالاسىنداعى تٶتەنشە جاعدايلار مينيسترلٸگٸنٸڭ قۇتقارۋشىلارى ٷيٸندٸلەردٸ تازارتقاننان كەيٸن, ۇشاق قۇلاعان جەردەن قازا تاپقانداردىڭ مەيٸتتەرٸن تاپتى. 18 قازان ساعات 06:00-دەگٸ جاعداي بويىنشا اپات سالدارىنان 13 ادام قازا تاپتى, ونىڭ ٸشٸندە - 3 بالا. 19 ادام تٷرلٸ دەرەجەدەگٸ دەنە جاراقاتىن الدى, ولاردىڭ تٶرتەۋٸ كراسنودار وبلىستىق اۋرۋحاناسىندا ەمدەلٸپ جاتىر, قالعاندارى ەيسكٸدە ەمدەلەدٸ. زارداپ شەككەندەرگە بارلىق قاجەتتٸ مەديتسينالىق جەنە پسيحولوگييالىق كٶمەك كٶرسەتٸلەدٸ", - دەپ حابارلادى دەنساۋلىق ساقتاۋ مينيسترلٸگٸ.
رەسەيدٸڭ تٶتەنشە جاعدايلار مينيسترلٸگٸ ٷش ادامنىڭ ٶلٸمٸ بٸردەن بەلگٸلٸ بولعانىن, كەيٸن ٷي قيراندىلارىنىڭ استىنان ون ادامنىڭ مەيٸتٸ تابىلعانىن ايتتى.
"ەيسكٸدە ٸزدەستٸرۋ-قۇتقارۋ وپەراتسيياسى بارىسىندا 68 ادام قۇتقارىلدى, ونىڭ ٸشٸندە باسپالداقتاردىڭ كٶمەگٸمەن 360-تان اسا ادام ەۆاكۋاتسييالاندى", - دەپ تٷسٸندٸردٸ دەپارتامەنت ٶكٸلٸ.
ەسكە سالايىق, رەسەيدٸڭ ەيسك قالاسىندا ەسكەري ۇشاق كٶپقاباتتى تۇرعىن ٷيگە قۇلاعان بولاتىن.
رەسەي قورعانىس مينيسترلٸگٸ سۋ-34 ۇشاعى وڭتٷستٸك ەسكەري وكرۋگٸنٸڭ اەرودرومىنان وقۋ-جاتتىعۋ ماقساتىندا كٶتەرٸلگەن كەزدە قۇلاعانىن مەلٸمدەدٸ.
