RF-daǵy QR Elshiligi sol eldegi qazaqstandyqtardy sailaýshylar tizimine tirkelý úshin konsýldyq eseke bine turýǵa shaqyrdy.
Elshiliktiń habarlaýynsha, 2021 jyldyń 10 qańtarynda Qazaqstan Respýblikasy Parlamentiniń Májilisine sailaý ótedi. Reseidegi QR azamattary Elshiliktde ashylatyn №265 sailaý ýchaskesinde daýys bere alady.
Sailaý ýchaskesi Máskeý ýaqytymen saǵat 07.00 – 20.00 aralyǵynda jumys isteidi. Mekenjaiy: Máskeý qalasy, Chistoprýdnyi býlvar, 3 «A» (QR Elshiliginiń ǵimaraty).
Sailaýshylar tizimine tirkelý úshin RF-daǵy QR Elshiliginiń konsýldyq esebine turýǵa keńes beriledi. Suraqtar týyndaǵan jaǵdaida jumys kúnderi shuǵyl jeli nómirine +7 (925) 897 71 14 (#1 ishki nómir) habarlasýǵa bolady.
Máskeýden bólek, Qazaqstan Respýblikasynyń Bas konsýldyqtary janynda ashylatyn sailaý ýchaskelerinde daýys berýge bolady (Sankt-Peterbýrg, Qazan, Astrahan, Omby qalalary).
Sailaý ýchaskesine kelgende ózińizben birge QR azamatynyń jeke kýáligi nemese pasporty bolýy kerek. Aǵymdaǵy epidemiologiialyq ahýaldy eskere otyryp, maskalyq rejim men áleýmettik ara-qashyqtyqty saqtaý qajet.
