Foto: t.me/piternaneve
Saýda jáne integratsiia ministri Arman Shaqqalievqa Sankt-Peterbýrgtegi Wildberries qoimasynda bolǵan órttiń qazaqstandyqtarǵa áseri týraly suraq qoiyldy, - dep habarlaidy Tengrinews.kz saity.
Úkimet brifinginde ministrge "qazaqstandyq satýshylardyń múlki men qazaqstandyqtar jasaǵan tapsyrystarǵa ziian kelmedi me" degen suraq qoiyldy.
"Sankt-Peterbýrgte shyqqan órt Wildberries qoimasynyń shamamen 3,5 paiyzy bolady. Resei boiynsha 100-den asa oryn bar. Búginde bizdiń satýshylarǵa qandai (ziian keldi - esk.), qansha taýar zaqymdalǵany týraly naqty aqparat bizde joq. Tergeý, sanaý jáne tekserý jumystary júrgizilip jatyr. Jetkizý múmkindikterine keletin bolsaq, BAQ kólik parkine zaqym kelmegenin, jalpy taýarlardy saqtaý jáne óńdeý oryndarynda jetkizý júrip jatqanyn, olardyń kópshiligi Reseidiń ortalyq bóliginde ornalasqanyn jazdy", - dep jaýap berdi Arman Shaqqaliev.
Onyń aitýynsha, jetkizý protsesi "qalypty júrip jatyr". Ministrlikke eshqandai shaǵym túsken joq.
"Tergeý nátijesin kútýimiz kerek, biraq satýshylardan eshqandai shaǵym túsken joq", - dep qosty ministr.
Wildberries baspasóz qyzmeti keiinirek Shýsharydaǵy (Sankt-Peterbýrgke jaqyn aýyl – esk.) jaǵdaidyń kompaniianyń jalpy logistikasyna jáne Qazaqstanmen logistikaǵa aitarlyqtai áseri "kútilmeitinin" habarlady.
