Reseidiń Habarovsk qalasyndaǵy kóshelerdiń birine tikushaq qulap, alty adam kóz jumdy, dep habarlaidy TASS.
Bul týraly aqparatty Resei TJM rastap otyr.
RIA Novostidiń málimetinshe, Habarovskide Mi-8 tikushaǵy qulaǵan. Tikushaq 11 sáýirde Máskeý ýaqyty boiynsha saǵat 4.30-da apatqa ushyraǵan.
"Qaza tapqandardyń denelerin anyqtap, olardyń týystarymen psihologiialyq jumystar júrgiziledi", - dep jazady basylym óńirlik densaýlyq saqtaý ministri Aleksandr Vitkoǵa silteme jasap.
Sondai-aq, tikushaqtyń qulaý deregi boiynsha qylmystyq is qozǵalǵany aitylady.
"Resei Federatsiiasy Tergeý komitetiniń tergeý organdarynyń qyzmetkerleri Mi-8 tikushaǵynyń qulaý deregi boiynsha RF Qylmystyq kodeksiniń 263-babynyń 3-bóligi boiynsha qylmystyq is qozǵady", - delingen habarlamada.
Qylmystyq isti tergeý aiasynda tikushaqtyń qulaýyna qatysty oqiǵanyń mán-jaiy anyqtalatyny aitylady. Oqiǵa ornynda jedel tergeý toby jumys istep jatyr.
