رەسەيدٸڭ حاباروۆسك قالاسىنداعى كٶشەلەردٸڭ بٸرٸنە تٸكۇشاق قۇلاپ, التى ادام كٶز جۇمدى, دەپ حابارلايدى تاسس.
بۇل تۋرالى اقپاراتتى رەسەي تجم راستاپ وتىر.
ريا نوۆوستيدٸڭ مەلٸمەتٸنشە, حاباروۆسكٸدە مي-8 تٸكۇشاعى قۇلاعان. تٸكۇشاق 11 سەۋٸردە مەسكەۋ ۋاقىتى بويىنشا ساعات 4.30-دا اپاتقا ۇشىراعان.
"قازا تاپقانداردىڭ دەنەلەرٸن انىقتاپ, ولاردىڭ تۋىستارىمەن پسيحولوگييالىق جۇمىستار جٷرگٸزٸلەدٸ", - دەپ جازادى باسىلىم ٶڭٸرلٸك دەنساۋلىق ساقتاۋ مينيسترٸ الەكساندر ۆيتكوعا سٸلتەمە جاساپ.
سونداي-اق, تٸكۇشاقتىڭ قۇلاۋ دەرەگٸ بويىنشا قىلمىستىق ٸس قوزعالعانى ايتىلادى.
"رەسەي فەدەراتسيياسى تەرگەۋ كوميتەتٸنٸڭ تەرگەۋ ورگاندارىنىڭ قىزمەتكەرلەرٸ مي-8 تٸكۇشاعىنىڭ قۇلاۋ دەرەگٸ بويىنشا رف قىلمىستىق كودەكسٸنٸڭ 263-بابىنىڭ 3-بٶلٸگٸ بويىنشا قىلمىستىق ٸس قوزعادى", - دەلٸنگەن حابارلامادا.
قىلمىستىق ٸستٸ تەرگەۋ اياسىندا تٸكۇشاقتىڭ قۇلاۋىنا قاتىستى وقيعانىڭ مەن-جايى انىقتالاتىنى ايتىلادى. وقيعا ورنىندا جەدەل تەرگەۋ توبى جۇمىس ٸستەپ جاتىر.
