Tomskide terrorizm ideialaryn nasihattady degen aiyppen 22 jastaǵy qazaqstandyq ustaldy. Bul týraly Tomsk oblystyq federaldy qaýipsizdik qyzmeti basqaramasynyń baspasóz qyzmeti habarlady.
Basqarma taratqan habarlamada "Radikaldy islamdy jaqtaityn, óńir turǵyndaryna terrorizm ideiasyn nasihattaǵan 22 jastaǵy Qazaqstan azamaty ustaldy" dep jazylǵan.
Vedomstvo dereginshe, Qazaqstan azamaty Tomskide oidan shyǵarylǵan aiqyndama derektermen júrgen. Kúdikti qamaýǵa alynǵan.
Onyń ústinen Resei qylmystyq kodeksiniń "terroristik áreket jasaýǵa úndeý, terrorizmdi jaqtaý nemese nasihattaý" baby boiynsha qylmystyq is qozǵalǵan. Kúdikti kináli dep tanylsa, jeti jylǵa deiin bas bostandyǵynan aiyrylýy múmkin.
