تومسكٸدە تەرروريزم يدەيالارىن ناسيحاتتادى دەگەن ايىپپەن 22 جاستاعى قازاقستاندىق ۇستالدى. بۇل تۋرالى تومسك وبلىستىق فەدەرالدى قاۋٸپسٸزدٸك قىزمەتٸ باسقاراماسىنىڭ باسپاسٶز قىزمەتٸ حابارلادى.
باسقارما تاراتقان حابارلامادا "راديكالدى يسلامدى جاقتايتىن, ٶڭٸر تۇرعىندارىنا تەرروريزم يدەياسىن ناسيحاتتاعان 22 جاستاعى قازاقستان ازاماتى ۇستالدى" دەپ جازىلعان.
ۆەدومستۆو دەرەگٸنشە, قازاقستان ازاماتى تومسكٸدە ويدان شىعارىلعان ايقىنداما دەرەكتەرمەن جٷرگەن. كٷدٸكتٸ قاماۋعا الىنعان.
ونىڭ ٷستٸنەن رەسەي قىلمىستىق كودەكسٸنٸڭ "تەرروريستٸك ەرەكەت جاساۋعا ٷندەۋ, تەرروريزمدٸ جاقتاۋ نەمەسە ناسيحاتتاۋ" بابى بويىنشا قىلمىستىق ٸس قوزعالعان. كٷدٸكتٸ كٸنەلٸ دەپ تانىلسا, جەتٸ جىلعا دەيٸن باس بوستاندىعىنان ايىرىلۋى مٷمكٸن.
