Reseidiń Leningrad oblysynda 1941 jyly qaza tapqan qazaqstandyq jaýyngerlerdiń súiekteri jer qoinyna tapsyryldy, – dep habarlaidy «Ult Aqparat».
Bul týraly Qazaqstannyń Reseidegi Elshiliginiń resmi saitynda habarlandy.
Aqparatqa sáikes, Leningrad oblysynyń Lodeinopolsk mýnitsipaldyq aýdanynyń Svirstroi qalashyǵynda 1941 jyldyń qyrkúieginde Ekinshi dúniejúzilik soǵysta qaza tapqan 314-shi atqyshtar diviziiasy 1076-shi atqyshtar polki 1-batalonynyń 61 jaýyngerin jerleý rásimi boldy. Diviziia 1941 jyldyń shilde-tamyz ailarynda Qazaqstannyń Petropavl qalasynda jasaqtalǵan. Bastapqyda diviziia quramynyń 70% astamy Soltústik Qazaqstan oblysynyń jáne Petropavl qalasynyń turǵyndary bolǵan. Diviziia: basshylyq quramnyń 777 adamy, kishi basshylyq quramnyń 1543 adamy jáne 8611 qatardaǵy sarbazdan quralǵan.
1941 jyldyń tamyzynda 314-diviziia qazirgi Novgorod oblysyndaǵy Hvoinaia stansysyna jiberilip, 7-armiianyń Ońtústik jedel tobynyń quramyna – Karel maidanyna attanady.
1941 jylǵy 12 qyrkúiekte aldyńǵy sheptiń otriady Svir (qazirgi Svirstroi) arqyly Podporoje qalasyna jetedi de, kele sala fashisterge qarsy shaiqasqa kirisedi. Qiian-keski aiqasta diviziia jeke quramynyń basym bóliginen aiyrylady. Sonyń birazy qaza tapsa, taǵy birshamasy habar-osharsyz ketedi.
Qazaqstan men Reseidiń izdeý jasaqtarynyń qajyrly eńbeginiń arqasynda qazirgi Svirstroi mańynan 314-shi atqyshtar diviziiasy 1076-shi atqyshtar polki 1-batalonynyń 61 jaýyngeriniń súiekteri tabyldy.
Jaýyngerlerdiń múrdeleri Svirstroi áskeri memorial molasyna jerlenip, aty-jónderi jazylǵan mármár taqtalar qoiyldy.
Qazaqstan tarapynan jerleý rásimine Sankt-Peterbýrgtegi QR Bas konsýldyǵynyń konsýly T.Sadyrov, «Arǵyn-Qaraýyl» qoǵamdyq birlestiginiń basshysy S.Eslámov, Petropavl qalasy Ardagerler keńesi tóraǵasynyń orynbasary I.Táttibaev, GTK Izdeý jasaǵynyń komandiri E.Abdýllin, Petropavl qalasyndaǵy 314-shi atqyshtar diviziiasyna arnalǵan mýzeii bar №2 orta mekteptiń direktory A.Baibýrina, №2 mekteptiń tarih pániniń oqytýshysy K.Qospaqaev jáne qaza tapqan jaýynger A.M. Artemevtiń týystary qatysty.
Jerleý rásiminiń sońynda «Pamiat» jobasynyń basshysy A.Narvatkina RF Qorǵanys ministrliginen alynǵan jaýyngerlerdiń shaiqasqa qatysýy týraly qujattardy tapsyrdy.
Svir irgesinde qaza tapqan, búginde aty-jónderin anyqtaý múmkin bolǵan jaýyngerlerdiń tizimi:
Artemev Aleksandr Mihailovich, 22.03.1908 jyly týǵan;
Babkin Stepan Maksimovich, 1914 j.
Bondariýk Sergei Osipovich, 1906 j.
Gerasimenko Anton Trofimovich, 1914 j.
Eremýshkin Fedor Borisovich, 1914 j.
Kolodaev Afanasii Petrovich, 1907 j.
Kolodkin Nikolai Stepanovich, 1907 j.
Mandrygin Ignatii Petrovich, 1910 j.
Nikýlin Sergei Georgievich, 1905 j.
Sagaidak Nikolai Petrovich, 1907 j.
Starovoichenko Ivan Vasilevich, 1912 j.
Fomin Pavel Stepanovich, 1907 j.
