Qazaqstannyń Máskeýdegi elshiliginde Ekinshi dúniejúzilik soǵysta qaza tapqan qazaqstandyq jaýyngerdiń súiegin tapsyrý rásimi ótti, - dep habarlaidy elshiliktiń baspasóz qyzmeti.
Qaldyqtardy ótken jazda Novgorod oblysynyń Demianskii aýdanynda "Nahodka" izdeý otriadynyń jaýyngerleri tapqan. Soldat medalonyndaǵy jaqsy saqtalǵan jazbanyń arqasynda jaýyngerdiń jeke basyn anyqtaýǵa múmkindik týdy. Ol 1916 jyly Ońtústik Qazaqstan oblysy Jýaly aýdanynda (qazirgi Jambyl oblysy Jýaly aýdany) týǵan Saparbai Imahaev bolyp shyqty. 1939 jyly Sairam RVK áskerine shaqyrylyp, 1943 jyly qańtarda habarsyz ketken.
Qazaqstan Respýblikasynyń Resei Federatsiiasyndaǵy Elshiligi men "Atamnyn Amanaty" qoǵamdyq birlestiginiń kómegimen jaýyngerdiń týystary tabyldy. Jaqyn arada onyń súiegi týǵan jerine jetkizilip, qurmetpen jerlenetin bolady.
Qazaqstan Respýblikasynyń Resei Federatsiiasyndaǵy Elshiliginiń áskeri attashesi Erjan Ermekbaevtyń aitýynsha, Imahaevtar otbasynda úsh aǵaiyndynyń Ábdibaiy soǵystan oralǵan, al Saparbai men Ábish habarsyz ketken. Osy kezge deiin aldymen anasy Dana, keiin týystary olar týraly málimet izdegenimen, ókinishke orai, nátije bolmaǵan. Bul kópten kútken qýanyshty jańalyq boldy.
"Nahodka" izdestirý otriadynyń komandiri Aleksandr Morzýnov atap ótkendei, mundai sharalardyń tarihi estelikti saqtaý jáne jastardy patriottyqqa tárbieleýde mańyzy zor.
Jaýyngerlerdiń súiekterin tabý boiynsha qazaqstandyq jáne reseilik izdeý toptarynyń birlesken jumysy aldaǵy ýaqyttarda jalǵasatyn bolady.
