قازاقستاننىڭ مەسكەۋدەگٸ ەلشٸلٸگٸندە ەكٸنشٸ دٷنيەجٷزٸلٸك سوعىستا قازا تاپقان قازاقستاندىق جاۋىنگەردٸڭ سٷيەگٸن تاپسىرۋ رەسٸمٸ ٶتتٸ, - دەپ حابارلايدى ەلشٸلٸكتٸڭ باسپاسٶز قىزمەتٸ.
قالدىقتاردى ٶتكەن جازدا نوۆگورود وبلىسىنىڭ دەميانسكيي اۋدانىندا "ناحودكا" ٸزدەۋ وتريادىنىڭ جاۋىنگەرلەرٸ تاپقان. سولدات مەدالونىنداعى جاقسى ساقتالعان جازبانىڭ ارقاسىندا جاۋىنگەردٸڭ جەكە باسىن انىقتاۋعا مٷمكٸندٸك تۋدى. ول 1916 جىلى وڭتٷستٸك قازاقستان وبلىسى جۋالى اۋدانىندا (قازٸرگٸ جامبىل وبلىسى جۋالى اۋدانى) تۋعان ساپارباي يماحاەۆ بولىپ شىقتى. 1939 جىلى سايرام رۆك ەسكەرٸنە شاقىرىلىپ, 1943 جىلى قاڭتاردا حابارسىز كەتكەن.
قازاقستان رەسپۋبليكاسىنىڭ رەسەي فەدەراتسيياسىنداعى ەلشٸلٸگٸ مەن "Atamnyn Amanaty" قوعامدىق بٸرلەستٸگٸنٸڭ كٶمەگٸمەن جاۋىنگەردٸڭ تۋىستارى تابىلدى. جاقىن ارادا ونىڭ سٷيەگٸ تۋعان جەرٸنە جەتكٸزٸلٸپ, قۇرمەتپەن جەرلەنەتٸن بولادى.
قازاقستان رەسپۋبليكاسىنىڭ رەسەي فەدەراتسيياسىنداعى ەلشٸلٸگٸنٸڭ ەسكەري اتتاشەسٸ ەرجان ەرمەكباەۆتىڭ ايتۋىنشا, يماحاەۆتار وتباسىندا ٷش اعايىندىنىڭ ەبدٸبايى سوعىستان ورالعان, ال ساپارباي مەن ەبٸش حابارسىز كەتكەن. وسى كەزگە دەيٸن الدىمەن اناسى دانا, كەيٸن تۋىستارى ولار تۋرالى مەلٸمەت ٸزدەگەنٸمەن, ٶكٸنٸشكە وراي, نەتيجە بولماعان. بۇل كٶپتەن كٷتكەن قۋانىشتى جاڭالىق بولدى.
"ناحودكا" ٸزدەستٸرۋ وتريادىنىڭ كومانديرٸ الەكساندر مورزۋنوۆ اتاپ ٶتكەندەي, مۇنداي شارالاردىڭ تاريحي ەستەلٸكتٸ ساقتاۋ جەنە جاستاردى پاتريوتتىققا تەربيەلەۋدە ماڭىزى زور.
جاۋىنگەرلەردٸڭ سٷيەكتەرٸن تابۋ بويىنشا قازاقستاندىق جەنە رەسەيلٸك ٸزدەۋ توپتارىنىڭ بٸرلەسكەن جۇمىسى الداعى ۋاقىتتاردا جالعاساتىن بولادى.
