Resei Federatsiiasynda sailaý aldyndaǵy úgit jumystaryna tyiym salynǵan "tynyshtyq kúni" ótip jatyr, dep habarlaidy "Ult aqparat" TASS-qa silteme jasap.
«RF Prezidentin sailaý týraly» zańǵa sáikes, telearnalar men radiolarda, baspasózder men jelilik baspalarda jergilikti ýaqyt boiynsha saǵat 00:00-den bastap úgit jumystary toqtatylady.
Úmitkerler men partiialar 17 naýryz kúni úgit júrgizbeitin bolady. Iaǵni, olar sherý nemese sailaýshylarmen kezdesý ótkizip, úgit paraqshalaryn tarata almaidy. El azamattarynyń jailylyǵy úshin mundai zańnama birqatar álem elderinde de engizilgen.
Ortalyq sailaý komitetiniń hatshysy Maiia Grishina jumada tynyshtyq kúni úgit, sailaýǵa bailanysty lotoreialar júrgizýge bolmaitynyn eskertti.
Munda tyiymnyń, degenmen, Ortalyq sailaý komiteti men aimaqtyq komissiialardyń sailaýǵa qatysý týraly úgit jumysyna qatysy joq.
Tynyshtyq kúninen keiin daýys berý kúni bastalady. Ol ýaqytta da úgit jumystaryn júrgizýge tyiym salynǵan. Tyiym 18 naýryz kúngi 21:00-ge deiin, Kaliningrad oblysynyń eń sońǵy sailaý ýchaskesi jabylǵanǵa deiin kúshinde bolady.
