Reseilik Rosgvardiianyń soltústik-batys óńirlik okrýgi Leningrad oblysynyń mańynda Mi-8 tikushaǵynyń qulaǵanyn habarlady, dep jazady Reseidiń TASS agenttigi.
Aldyn ala málimetter boiynsha apat saldarynan 3 áskeri qaza tapqan.
Tikushaqta qarý bolmaǵan. Sebebi ol oqý-jattyǵýǵa qatysyp jatqan.
Leningrda oblysynda atalǵan oqiǵanyń bolǵanyn rastady. Abyroi bolǵanda jergilikti turǵyndar zardap shekpegen.
TASS agenttiginiń shuǵyl qyzmetterdegi derekkózi Mi-8 tikushaǵy qulaǵannan keiin órt shyqqanyn habarlaǵan.
«Osy ýaqytta órt sóndirildi», - dedi agenttikke habar jetkizýshi.
Taǵy bir aqparat kóziniń habarlaýynsha, tikushaqtyń qulaǵany týraly habar jergilikti ýaqyt boiynsha, saǵat 20:30-de jetken. Kýágerler áleýmettik jelilerde oqiǵa ornynan sýretterdi taratyp jatyr. Onda qoiý tútin shyǵyp jatqany baiqalady.
Keibir sýretterge qaraǵanda, tikushaq dalaly alqapqa qulaǵan.
