Reseide mobilizatsiia kezinde áskeri boryshyn óteýden jaltarý deregi boiynsha alǵashqy qylmystyq is qozǵaldy. Bul týraly Resei Federatsiiasynyń Tergeý komiteti málimdedi, - dep habarlaidy Tengrinews.kz tilshisi "Izvestiia" basylymyna silteme jasap.
Basylym málimetinshe, 23 qyrkúiekte áskeri esepte turǵan 32 jastaǵy Penza qalasynyń turǵyny 26 qyrkúiek Penza oblysy Kondolskii aýyldyq keńesiniń ákimshiligine shaqyrtý alǵan. Ol ishinara mobilizatsiia sheńberinde áskeri komissariatqa jiberilýi qajet bolǵan.
"Áskeri qyzmetten bosatýǵa zańdy negiz bolmasa da, ol shaqyrtý boiynsha kelgen joq", - delingen habarlamada.
Er adamǵa qatysty 328-baptyń 1-bóligi "Áskeri qyzmetke shaqyrýdan jaltarý" boiynsha eki jylǵa deiin bas bostandyǵynan aiyrý jazasy qarastyrylatyn is qozǵaldy.
Vedomstvonyń resmi málimdemesinen buryn reseilik zańger Pavel Chikov Telegram-arnasynda er adamnyń OMON-nyń kúshimen ustalǵanyn jáne ýaqytsha ustaý izoliatorynda ekinshi kún jatqanyn habarlady.
