Reseidiń Orynbor oblysynyń biligi 12 aqpandy "aza tutý kúni" dep jariialady, dep málimdeidi Today.kz.
Orynbor oblysy úkimetiniń saitynda gýbernator Iýrii Berg qaitys bolǵandardyń otbasyna qaiǵyryp, kóńil aitty.
"Osynaý aýyr tragediia ondaǵan orynborlyqtyń ómirin jalmady. Aýyr minýttarda orynborlyqtan óziniń jaqynyn joǵaltqandarmen birge qaiǵyrýda. Biz súiikti janyn joǵaltqan birde-bir adamdy jalǵyz qaldyrmaimyz. Orynborlyqtar aýyr minýttarda árdaiym birge, búgin biz úlken qaiǵyny bastan ótkerip otyrmyz. Jerlesterimiz máńgi júregimizde qalady!", – delingen habarlamada.
Esterińizge salaiyq, An-148 áýejaidan ushyp shyǵyp, birneshe minýttan keiin qulady. 71 adam qaitys boldy. Onyń ishinde úsh bala bar, aldyn ala boljam boiynsha olardyń jasy 17, 13, 5-te.
Aldyn ala aqparat boiynsha, ushaq bortynda bir QR azamaty da bolǵan. Sondai-aq qulaǵan ushaqta reseilik qazaq Temirlan Aqnazarov ta bolǵan.
