رەسەيدٸڭ ورىنبور وبلىسىنىڭ بيلٸگٸ 12 اقپاندى "ازا تۇتۋ كٷنٸ" دەپ جارييالادى, دەپ مەلٸمدەيدٸ Today.kz.
ورىنبور وبلىسى ٷكٸمەتٸنٸڭ سايتىندا گۋبەرناتور يۋريي بەرگ قايتىس بولعانداردىڭ وتباسىنا قايعىرىپ, كٶڭٸل ايتتى.
"وسىناۋ اۋىر تراگەدييا ونداعان ورىنبورلىقتىڭ ٶمٸرٸن جالمادى. اۋىر مينۋتتاردا ورىنبورلىقتان ٶزٸنٸڭ جاقىنىن جوعالتقاندارمەن بٸرگە قايعىرۋدا. بٸز سٷيٸكتٸ جانىن جوعالتقان بٸردە-بٸر ادامدى جالعىز قالدىرمايمىز. ورىنبورلىقتار اۋىر مينۋتتاردا ەردايىم بٸرگە, بٷگٸن بٸز ٷلكەن قايعىنى باستان ٶتكەرٸپ وتىرمىز. جەرلەستەرٸمٸز مەڭگٸ جٷرەگٸمٸزدە قالادى!", – دەلٸنگەن حابارلامادا.
ەستەرٸڭٸزگە سالايىق, ان-148 ەۋەجايدان ۇشىپ شىعىپ, بٸرنەشە مينۋتتان كەيٸن قۇلادى. 71 ادام قايتىس بولدى. ونىڭ ٸشٸندە ٷش بالا بار, الدىن الا بولجام بويىنشا ولاردىڭ جاسى 17, 13, 5-تە.
الدىن الا اقپارات بويىنشا, ۇشاق بورتىندا بٸر قر ازاماتى دا بولعان. سونداي-اق قۇلاعان ۇشاقتا رەسەيلٸك قازاق تەمٸرلان اقنازاروۆ تا بولعان.
