Reseide koronavirýs infektsiiasyn juqtyrǵan naýqastarǵa arnalǵan 129 myń tósektiń 90%-ǵa jýyǵy bos emes, dep habarlaidy "Ult aqparat" TASS agenttine silteme jasap.
«Elimizde jańa koronavirýs infektsiiasy endi tarala bastaǵan shaqta juqpaly aýrýlary bar naýqastardy qabyldaýǵa 50 myńǵa jýyq tósek-oryn daiyn boldy. COVID-19 aýrýynyń deńgeii joǵary bolǵan kezeńde biz olardyń sanyn 184 myń tósekke deiin jedel kóbeittik. Budan ári aýyrǵandar men aýrýhanaǵa jatqyzylǵandar sany azaiyp, biz negizgi beiin boiynsha patsientterdi qabyldaý jáne josparly meditsinalyq kómek kórsetý úshin infektsiialyq tósekterdiń bir bóligin rezervke aýystyrdyq. Qazirgi ýaqytta COVID-19 patsientteri úshin 129 750 tósek bar, olardyń 115 500-i bos emes, bul 89%-dy quraidy. Aýrýǵa shaldyqqandar sany ósken jaǵdaida, qosymsha tósekter rezervten aýystyrylady», – dedi Resei Densaýlyq saqtaý ministriniń kómekshisi Aleksei Kýznetsov.
Buǵan deiin Rospotrebnadzor basshysy Anna Popova Resei Federatsiiasynda koronavirýspen aýyratyn naýqastarǵa arnalǵan aýrýhana tósekteriniń shamamen 51% -y bos ekenin aitqan bolatyn.
Reseide koronavirýsqa qarsy federaldy jedel shtabtyń málimeti boiynsha 1 159 573 infektsiia tirkelgen, 945 920 adam aýrýynan aiyǵyp, 20 385 adam qaitys boldy. Resei úkimeti eldegi jaǵdaidy aqparattandyryp otyrý úshin stopkoronavirýs.rf resýrsyn iske qosty.
