رەسەيدە كوروناۆيرۋس ينفەكتسيياسىن جۇقتىرعان ناۋقاستارعا ارنالعان 129 مىڭ تٶسەكتٸڭ 90%-عا جۋىعى بوس ەمەس, دەپ حابارلايدى "ۇلت اقپارات" تاسس اگەنتتٸنە سٸلتەمە جاساپ.
«ەلٸمٸزدە جاڭا كوروناۆيرۋس ينفەكتسيياسى ەندٸ تارالا باستاعان شاقتا جۇقپالى اۋرۋلارى بار ناۋقاستاردى قابىلداۋعا 50 مىڭعا جۋىق تٶسەك-ورىن دايىن بولدى. COVID-19 اۋرۋىنىڭ دەڭگەيٸ جوعارى بولعان كەزەڭدە بٸز ولاردىڭ سانىن 184 مىڭ تٶسەككە دەيٸن جەدەل كٶبەيتتٸك. بۇدان ەرٸ اۋىرعاندار مەن اۋرۋحاناعا جاتقىزىلعاندار سانى ازايىپ, بٸز نەگٸزگٸ بەيٸن بويىنشا پاتسيەنتتەردٸ قابىلداۋ جەنە جوسپارلى مەديتسينالىق كٶمەك كٶرسەتۋ ٷشٸن ينفەكتسييالىق تٶسەكتەردٸڭ بٸر بٶلٸگٸن رەزەرۆكە اۋىستىردىق. قازٸرگٸ ۋاقىتتا COVID-19 پاتسيەنتتەرٸ ٷشٸن 129 750 تٶسەك بار, ولاردىڭ 115 500-ٸ بوس ەمەس, بۇل 89%-دى قۇرايدى. اۋرۋعا شالدىققاندار سانى ٶسكەن جاعدايدا, قوسىمشا تٶسەكتەر رەزەرۆتەن اۋىستىرىلادى», – دەدٸ رەسەي دەنساۋلىق ساقتاۋ مينيسترٸنٸڭ كٶمەكشٸسٸ الەكسەي كۋزنەتسوۆ.
بۇعان دەيٸن روسپوترەبنادزور باسشىسى اننا پوپوۆا رەسەي فەدەراتسيياسىندا كوروناۆيرۋسپەن اۋىراتىن ناۋقاستارعا ارنالعان اۋرۋحانا تٶسەكتەرٸنٸڭ شامامەن 51% -ى بوس ەكەنٸن ايتقان بولاتىن.
رەسەيدە كوروناۆيرۋسقا قارسى فەدەرالدى جەدەل شتابتىڭ مەلٸمەتٸ بويىنشا 1 159 573 ينفەكتسييا تٸركەلگەن, 945 920 ادام اۋرۋىنان ايىعىپ, 20 385 ادام قايتىس بولدى. رەسەي ٷكٸمەتٸ ەلدەگٸ جاعدايدى اقپاراتتاندىرىپ وتىرۋ ٷشٸن ستوپكوروناۆيرۋس.رف رەسۋرسىن ٸسكە قوستى.
