Foto: Egemen.kz
2025 jyldyń 10–13 qazan aralyǵynda Máskeý qalasynda Qazaqstan Respýblikasynyń Resei Federatsiiasyndaǵy mádeni kúnderi ótedi, dep habarlaidy Ult.kz.
Is-shara Qazaqstan Respýblikasy Mádeniet jáne aqparat ministrliginiń uiymdastyrýymen Resei Mádeniet ministrliginiń qoldaýymen ótedi. Mádeni kúnder eki el arasyndaǵy mádeni-aqparattyq yntymaqtastyqty nyǵaityp, ekijaqty qatynastardy damytýǵa baǵyttalǵan.
10 qazan – 23 qarasha aralyǵynda Jańa Tretiakov galereiasynda «Qazaqstan óneriniń jaýharlary» kórmesi ótedi. Á. Qasteev atyndaǵy QR Memlekettik óner mýzeiiniń kollektsiiasynan Qazaqstannyń jetekshi qylqalam sheberleriniń 43 týyndysy qoiylady.
Sonymen qatar Memlekettik Tretiakov galereiasynyń qorynan alynǵan 17 keskindeme men 11 músin jumysy usynylady.
Qazaqstannyń mádeni kúnderi aiasynda Qazaqstandyq kino kúnderi de ótedi. 10 qazan kúni Máskeýdegi «Poklonka» kinoteatrynda rejisser S. Ótepbergenovtyń «Patriottar ýaqyty» atty áskeri ekshn filmi jáne rejisser B.Shekerovtyń «1941 jyldyń jazy» kinokartinasy kórsetiledi.
11 qazanda atalǵan kinoteatrda rejisser F.Sháripovtyń «Toqta, tún» filmi kórsetilse, keshke rejisser A.Sahamannyń «Dos-Muqasan» filmi usynylady.
12 qazan kúni máskeýlik kórermen rejisser M. Turdybektiń ejelgi saqtardyń kieli tarihyn, turmysy men mádenietin, áskeri ónerinen syr shertetin «Altyn adam» tolyqmetrajdy animatsiialyq filmin tamashalai alady. Keshki bólimde rejisser T. Dýlatovtyń «90+1» filmi kórsetiledi.
Teatrsúier qaýym úshin 13 qazan kúni Resei memlekettik akademiialyq kishi teatrynda Qalibek Qýanyshbaev atyndaǵy Qazaq ulttyq mýzykalyq drama teatrynyń «Parasat maidany» qoiylymy sahnalanady.
«Parasat maidany» – adamnyń ishki álemi men rýhani qundylyqtary týraly syr shertetin psihologiialyq drama. Qoiylym qazaq ádebietiniń klassigi Tólen Ábdik shyǵarmalarynyń negizinde qoiylǵan.
Mádeni kúnderdiń mańyzdy is-sharasy – 12 qarasha kúni Reseidiń memlekettik akademiialyq Úlken teatrynda Qazaqstan ónerpazdarynyń qatysýymen ótetin gala-kontsert. Is-shara Qazaqstan Respýblikasynyń Prezidenti Qasym-Jomart Toqaevtyń Resei Federatsiiasyna memlekettik sapary aiasynda uiymdastyrylady.
Mádeni kúnder aiasynda ótetin is-sharalarǵa Resei men Qazaqstannyń ziialy qaýym ókilderi, ǵalymdar, jazýshylar, diplomatiialyq korpýs pen shyǵarmashylyq odaqtar, sondai-aq qazaq diasporasynyń ókilderi qatysady.
