فوتو: Egemen.kz
2025 جىلدىڭ 10–13 قازان ارالىعىندا مەسكەۋ قالاسىندا قازاقستان رەسپۋبليكاسىنىڭ رەسەي فەدەراتسيياسىنداعى مەدەني كٷندەرٸ ٶتەدٸ, دەپ حابارلايدى Ult.kz.
ٸس-شارا قازاقستان رەسپۋبليكاسى مەدەنيەت جەنە اقپارات مينيسترلٸگٸنٸڭ ۇيىمداستىرۋىمەن رەسەي مەدەنيەت مينيسترلٸگٸنٸڭ قولداۋىمەن ٶتەدٸ. مەدەني كٷندەر ەكٸ ەل اراسىنداعى مەدەني-اقپاراتتىق ىنتىماقتاستىقتى نىعايتىپ, ەكٸجاقتى قاتىناستاردى دامىتۋعا باعىتتالعان.
10 قازان – 23 قاراشا ارالىعىندا جاڭا ترەتياكوۆ گالەرەياسىندا «قازاقستان ٶنەرٸنٸڭ جاۋھارلارى» كٶرمەسٸ ٶتەدٸ. ە. قاستەەۆ اتىنداعى قر مەملەكەتتٸك ٶنەر مۋزەيٸنٸڭ كوللەكتسيياسىنان قازاقستاننىڭ جەتەكشٸ قىلقالام شەبەرلەرٸنٸڭ 43 تۋىندىسى قويىلادى.
سونىمەن قاتار مەملەكەتتٸك ترەتياكوۆ گالەرەياسىنىڭ قورىنان الىنعان 17 كەسكٸندەمە مەن 11 مٷسٸن جۇمىسى ۇسىنىلادى.
قازاقستاننىڭ مەدەني كٷندەرٸ اياسىندا قازاقستاندىق كينو كٷندەرٸ دە ٶتەدٸ. 10 قازان كٷنٸ مەسكەۋدەگٸ «پوكلونكا» كينوتەاترىندا رەجيسسەر س. ٶتەپبەرگەنوۆتىڭ «پاتريوتتار ۋاقىتى» اتتى ەسكەري ەكشن فيلمٸ جەنە رەجيسسەر ب.شەكەروۆتىڭ «1941 جىلدىڭ جازى» كينوكارتيناسى كٶرسەتٸلەدٸ.
11 قازاندا اتالعان كينوتەاتردا رەجيسسەر ف.شەرٸپوۆتىڭ «توقتا, تٷن» فيلمٸ كٶرسەتٸلسە, كەشكە رەجيسسەر ا.ساحاماننىڭ «دوس-مۇقاسان» فيلمٸ ۇسىنىلادى.
12 قازان كٷنٸ مەسكەۋلٸك كٶرەرمەن رەجيسسەر م. تۇردىبەكتٸڭ ەجەلگٸ ساقتاردىڭ كيەلٸ تاريحىن, تۇرمىسى مەن مەدەنيەتٸن, ەسكەري ٶنەرٸنەن سىر شەرتەتٸن «التىن ادام» تولىقمەتراجدى انيماتسييالىق فيلمٸن تاماشالاي الادى. كەشكٸ بٶلٸمدە رەجيسسەر ت. دۋلاتوۆتىڭ «90+1» فيلمٸ كٶرسەتٸلەدٸ.
تەاترسٷيەر قاۋىم ٷشٸن 13 قازان كٷنٸ رەسەي مەملەكەتتٸك اكادەمييالىق كٸشٸ تەاترىندا قاليبەك قۋانىشباەۆ اتىنداعى قازاق ۇلتتىق مۋزىكالىق دراما تەاترىنىڭ «پاراسات مايدانى» قويىلىمى ساحنالانادى.
«پاراسات مايدانى» – ادامنىڭ ٸشكٸ ەلەمٸ مەن رۋحاني قۇندىلىقتارى تۋرالى سىر شەرتەتٸن پسيحولوگييالىق دراما. قويىلىم قازاق ەدەبيەتٸنٸڭ كلاسسيگٸ تٶلەن ەبدٸك شىعارمالارىنىڭ نەگٸزٸندە قويىلعان.
مەدەني كٷندەردٸڭ ماڭىزدى ٸس-شاراسى – 12 قاراشا كٷنٸ رەسەيدٸڭ مەملەكەتتٸك اكادەمييالىق ٷلكەن تەاترىندا قازاقستان ٶنەرپازدارىنىڭ قاتىسۋىمەن ٶتەتٸن گالا-كونتسەرت. ٸس-شارا قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆتىڭ رەسەي فەدەراتسيياسىنا مەملەكەتتٸك ساپارى اياسىندا ۇيىمداستىرىلادى.
مەدەني كٷندەر اياسىندا ٶتەتٸن ٸس-شارالارعا رەسەي مەن قازاقستاننىڭ زييالى قاۋىم ٶكٸلدەرٸ, عالىمدار, جازۋشىلار, ديپلوماتييالىق كورپۋس پەن شىعارماشىلىق وداقتار, سونداي-اق قازاق دياسپوراسىنىڭ ٶكٸلدەرٸ قاتىسادى.
