Roskomnadzor 2018 jyldyń sońyna deiin Facebook kompaniiasyna tekseris júrgizedi, eger áleýmettik jeli reseilik qoldanýshylardyń málimetin RF territoriiasynda oqshaýlamasa onyń buǵattalý máselesi qarastyrylady. Bul týraly vedomstvo basshysy Aleksandr Jarov "Izvestiia" gazetine bergen suhbatynda aitty, dep jazady tengrinews.kz.
Jarov ótken jyldyń qarashasynda reseilik qoldanýshylardyń málimetin RF territoriiasynda oqshaýlaý jáne tyiym salynǵan kontentti óshirý týraly talqylaýdyń josparlanǵanyn aitqan edi. "2018 jyldyń sońyna deiin kompaniiany tekseremiz, oryndalýy tiis birneshe pýnkt bar: RF territoriiasyndaǵy reseilik qoldanýshylardyń málimetin oqshaýlaý, barlyq tyiym salynǵan málimetti óshirý - olar bolsa keshigip jatyr - jáne basqa zańdardy da saqtaý. Bul máseleniń eshqaisysy sheshilmese nemese Resei bul týraly bilmese buǵattaý máselesiniń týatyny anyq", - dep málimdedi ol.
Resei zańnamasy reseilikterdiń jeke málimetin RF territoriiasynda saqtaýǵa mindetteidi. Bul zańdy buzǵan saittar sot sheshiminiń negizinde Roskomnodzordyń arnaiy reestrine tirkelip, zańbuzýshylyqty joimaǵan jaǵdaida buǵattalady.
Eske salaiyq, taiaýda Telegram buǵattalǵan edi.
