Resei elinde ekinshi kún qatarynan koronavirýs infektsiiasyn juqtyrǵandar sany 20 myń adamnan asyp otyr. Ótken táýlikte 20 396 oqiǵa anyqtalǵan, infektsiiaǵa shaldyqqan adamnyń jalpy sany 1 753 836-ǵa deiin jetti, dep habarlaidy TASS agenttigi.
Eldegi koronavirýsqa qarsy kúres boiynsha jedel shtabtyń málimetinshe, ósim eki kún boiy 1,2 paiyzdan aspai otyr.
Ósim qarqyny eń az tirkelgen aimaqtar qataryna Daǵystan respýblikasy (0,5%), Tatarstan, Chývash respýblikasy (0,6%-dan), Hanty-Mansiisk avtonomiialyq aýdany, Máskeý oblysy, Marii El respýblikasy (0,7%-dan) kiredi.
Atap ótkende, bir táýlik ishinde Máskeýde koronavirýs juqtyrýdyń 5 829 oqiǵasy, Máskeý oblysynda – 629 oqiǵa, Nijegorod oblysynda – 434, Arhangelsk oblysynda – 359 jáne Krasnodar ólkesinde – 322 oqiǵa tirkeldi.
Qazirgi kezde Resei Federatsiiasynda 410 658 adam virýstan emdelip jatyr.
Aýrýdan jazylyp shyqqan reseilikter sany táýlik ishinde 16 803 adam boldy (budan bir kún buryn – 16 955 adam). Jalpy alǵanda, virýs juqtyrǵan 1 312 927 adam nemese 74,9 paiyz jazylyp shyqty.
Táýlik ishinde Máskeýde 3 675 syrqat, Samara oblysynda – 437, Máskeý oblysynda – 435, Nijegorod oblysynda – 421, Voronej oblysynda – 397, Volgograd oblysynda – 352, Kemerovo oblysynda – 324 adam aýrýhanadan shyǵaryldy.
Bir kún ishinde virýstan 364 adam qaitys (budan bir kún buryn – 378 adam) bolǵan, jalpy elde 30 251 adam kóz jumǵan.
Táýlik ishinde Máskeýde 75 ólim oqiǵasy, Rostov oblysynda – 18, Máskeý oblysynda – 14, Nijegorod oblysynda – 12, Samara jáne Ýlianov oblystarynda – árqaisysynda 10 ólim oqiǵasy tirkeldi.
Rosstat málimetinshe, sáýir aiynan bastap qyrkúiektiń sońyna deiin elde koronavirýs infektsiiasynan 31 969 adam qaitys bolǵan, taǵy 23 702 oqiǵada infektsiia anyqtalǵanymen, ólimge sebep bolǵan joq.
